Guddoomiyaha Baarlamaanka Hirshabeelle oo ka tacsiyadeeyay geerida Xildhibaan Cabdiweli

641

Guddoomiyaha Baarlamaanka Hirshabelle Sheekh Cismaan Barre Maxamed ayaa tacsi u diray qoyskii, eheladii iyo shacabka Soomaaliyeed ee uu ka geeriyooday Allaha u naxariistee  Marxuum Xildhibaan Cabdiweli Maxamed Ibraahim oo ka tirsanaa Baarlamaanka Dowlad Goboleedka  Hirshabelle, oo u geeriyooday dhaawac ka soo gaaray qarax dhawaan loogu xiray gaarigiisa.

 

Guddoomiyaha oo ku hadlayay afka Golaha Baarlamaanka Hirshabelle ayaa  tacsi udiray Guud ahaan shacabka Soomaaliyeed Gaar ahaan Hirshabelle, eheladii, qaraabadii, asxaabtii, Baarlamaanka, iyo qoysaskii uu ka baxay Marxuum Xildhibaan Cabdiweli Maxamed Ibraahim oo ka tirsanaa Baarlamaanka Hirshabeelle.

“Innaa Lillaahi wa inaa Ileyhi Raajicuun, aad baan uga naxay marka aan maqlay Dhimashada Xildhibaan Cabdiweli oo dhawaan dhaawac ka soo gaaray qarax loogu xiray gaarigiisa, waxa uu ahaa shaqsi karti iyo Wadaniyd ku sifoobay oo wax badan ka soo maray dhismaha Dowlad Goboleedka Hirshabelle” ayuu yiri Sheekh Cismaan Barre oo inta ku daray “Waxaan marxuumka Ilaahay uga baryeyaa inuu naxariistii janno ka waraabiyo, qoyskii iyo eheladii uu ka geeriyoodayna samir iyo iimaan ka siiyo”.

Did you like this? Share it:

LEAVE A REPLY

Please enter your comment!
Please enter your name here