Guddoomiyaha Bankiga dhexe oo faahfaahin ka bixiyey lacagta cusub ee Shillin Soomaaliga ah “SAWIRRO”

4616

Guddoomiyaha Bankiga dhexe ee Soomaaliya, Mudane Bashiir Ciise Cali oo maanta la hadlay Warbaahinta, ayaa ka warbixiyey Lacagta cusub ee Shillin Soomaaliga ah ee dalka loo soo daabacayo iyo hawlaha lagu horumarinayo Bankiga dhexe ee dalka.

Ugu horeyn Guddoomiyaha ayaa sheegay in lacagta cusub ee dalka loo soo daabacayo ay ka kooban tahay qeybo badan, isagoo tilmaamay in lacacagtaasi ay tahay mid adag oo aan laga been abuuran karin.

“Lacagta Cusub waxay ka kooban tahay Afar qeybood oo kale ah  1,000 Sh.so, 2,000 Sh.so, 5,000 Sh.so iyo 10,000 Sh.so, Lacagta Cadadka ugu badan ee lasoo daabacayo waa 1,000 Sh.so (Kun Shillin Soomaali), waxaa ku xigga 2,000 Sh.so (Labo Kun Shillin Soomaali), waxaa ugu cadad yar  5,000 Sh.so iyo 10,000 Sh.so (Shan Kun iyo Toban Kun oo  Shillin Soomaali ah), Marka ugu horreeysa afartaas qeyb ayaa lasoo saari doonaa” ayuu yiri Guddoomiyaha Bankiga dhexe.

Guddoomiyaha Bankiga dhexe ee Soomaaliya, Mudane Bashiir Ciise Cali, ayaa dhanka kale sheegay in muddadii dib loo howl galiyey Bankiga dhexe ay kasoo wareegtay toban sano, ayna muddaasi u qabsoontay waxyaabo badan oo horumar ah, isagoo carabaabay in hadda ay ku guda jiraan casriyeenta habka shaqo ee Bankiga, si shaqada loo sii dardar geliyo.

Did you like this? Share it:

LEAVE A REPLY

Please enter your comment!
Please enter your name here