Guddoomiyaha Barlamaanka Soomaaliya oo la kulmay Wafdi ka socday Barlamaka Dalka Kenya

Guddoomiyaha Baarlamaanka Federaalka Soomaaliya Mudane Maxamed Sheekh Cusmaan Jawaari  ayaa maanta xafiiskiisa ku qaabilay wafdi ka socda Baarlamaanka dalka Kenya oo booqasho ku jooga magaalada Muqdisho.

Wafdigan oo ka kooban guddiyada difaaca iyo arrimaha dibadda ee Baarlamaanka Kenya ayaa Guddoomiyaha Baarlamaanka waxa uu kala hadlay in ay sii xoojiyaan wadashaqeynta iyo xiriirka ay la leeyihiin guddiyada Difaaca iyo Arrimaha dibadda ee Baarlamaanka Federaalka Soomaaliya oo maalmahan magaalada Muqdisho ay ku lahaayeen kulammo arrimahaasi la xiriira.

Dhinaca kale waxaa xarunta Villa Hargeysa ee magaalada Muqdisho heshiis iskaashi iyo wadashaqeyn la xiriira ku kala saxiixday Guddiyada Difaaca iyo Arrimaha dibadda ee Baarlamaannada Soomaaliya iyo Kenya ayadoo heshiiskaasina nuxurkiisu yahay mid lagu xoojinayo xiriirka iyo iskaashiga labada Baarlamaan ee Soomaaliya iyo Kenya.

 

LEAVE A REPLY

Please enter your comment!
Please enter your name here