Guddoomiyaha Cusub ee degmada Shingaani oo xilka la wareegay+Sawirro

Munaasabad iskugu jirtay xil wareejin iyo soo dhaweynta guddoomiyaha cusub ee degmada Shingaani, Aweys Shiikh Maxamed Amiin ayaa maanta ka dhacday magaalada Muqdisho.

Munaasabadaan oo eheed mid si heer sare ah loo soo agaasimay ayaa waxaa ka soo qeyb galay, Guddoomiye ku xigeenka Maamulka iyo Maaliyadda Gobolka Banaadir, mudane, Ibraahim Cumar Mahad alle (Ibraahim dheere), Guddoomiye ku xigeenka arrimaha Bulshada iyo wacyigelinta, Marwo Basma Caamir Jaketti, Guddoomiyaha haweenka Gobolka Banaadir,Jawaahir Baarqab iyo Odayaasha Dhaqanka Degmada shingaani.

Guddoomiyaha Maamulka iyo Maaliyadda gobolka Banaadir, Ibraahim dheere iyo Guddoomiyaha arrimaha bulshada iyo wacyigelinta gobolka, Marwo Basma Caamir oo goobta ka hadlay ayaa guddoomiyaha cusub kula dardaarmay in uu bulshada degmada Shingaani ugu shaqeeyo si caddaalad ah.

Guddoomiyaha cusub ee degmada Shingaani, Aweys Shiikh Maxamed Amiin ayaa sheegay in uu si ay ku jirto xilkasnimo iyo caddaalad ugu shaqeyn doono dadka uu mas’uulka ka yahay,isagoo shacabka reer Shingaani ugu baaqay in ay la shaqeeyaan.

LEAVE A REPLY

Please enter your comment!
Please enter your name here