Guddoomiyaha Degmada Heliwaa oo kormeeray waddada Ex-koontarool Balcad oo howlo dib u dhis ah ay ka socoto “SAWIRRO”

Guddoomiyaha Degmada Heliwaa Cabdixakiin Cumar Cabdulle ayaa kormeeray Waddada Ex-koontarool Balcad oo ay ka socoto olo dib loogu dhisayo waddadaas, lana qorsheynayo in la saari laami isku xira Gobollada Benaadir iyo Shabeelaha Dhexe.

Dhismaha Waddadaan halbowlaha ah ayaa taaba galinteeda waxaa gacan ka geysanayo Maamulka Gobolka Banaadir oo kaashanaya Dowladda Federalka Soomaaliya, waxa ayna haatan mareysaa meel aad u wanaagsan howlaha dib loogu dhisayo waddada isku xirta Gobollada Benaadir iyo Shabeelaha Dhexe.

Guddoomiye Cabdixakiin iyo xubno kale oo ka tirsan maamulkiisa ayaa socod ku soo maray waddada ay ka socoto howlaha dib u dhiska ah, waxaana ay howlwadeenada shaqada ku howlan ay ku booriyeen inay ka soo dhalaalaan howsha loo igmaday.

Dib u dhiska Waddadaan muhiimka ah ayaa waxaa ka faa’iideysan doono shacab weynaha ku dhaqan Gobollada Banaadir iyo Shabeellada Dhexe.

LEAVE A REPLY

Please enter your comment!
Please enter your name here