Guddoomiyaha degmada Luuq oo kormeeray dhismaha garoonka diyaaradaha iyo xarumo kale “SAWIRRO”

Gudoomiyaha Degmada Luuq ee Gobolka Gedo ayaa kormeeray mashaariic horumarineed, oo ay maalgelineyso Wasaaradda arimaha Gudaha ee Xukuumadda Federalka Soomaaliya, kuwaasi oo laga hirgelinayo gudaha degmada.

Goobaha uu booqday waxaa ka mid ah dhismaha guriga Hooyoyinka Degmada iyo dhismaha garoonka diyaaradaha Degmada Luuq kuwaasi oo marayo heer gaba gaba ah.

Guddoomiyaha Degmada Luuq Maxamed Cabdullahi Gardhuub ayaa kaga mahadceliyay madaxda Qaranka dadaallada ay ugu jiraan sidii guud ahaan gobolada dalka loogaarsiin lahaa nidaamka dowladnimada, waxana uu bogaadiyay dhismaha garoonka diyaaradaha Degmada oo noqonayo garoonkii ugu horeyay ee noociisa ah oo laga dhiso Gobolka Gedo.

LEAVE A REPLY

Please enter your comment!
Please enter your name here