Guddoomiyaha Gobolka Banaadir Oo Booqday Dadkii Ku Sumoobay Muqdisho Deeq Lacageedna Gaarsiiyay

0
1039

Mas’uuliyiinta ka socota maamulka gobolka Banaadir islamarkaana uu horkacayo  guddoomiyaha  gobolka Banaadir Xassan maxamed Xuseen  muungaab  ayaa  booqday dadkii ku sumoobay  biyo loo maleynayo in ay cabeen oo lagu daweynayo  isbitaalka  Carafaad ee  degmada yaaqshid .

Dadkani lagu daweynayo isbitaalka  carafaad oo isugu jira dad waaweyn iyo caruur  ayaa waxaa booqday qeybaha isbitaalka ay dadkaasi ay  kaga jiraan mas’uuliyiin  uu hogaaminayo  guddoomiyaha gobalka  ahna duqa magaaladda muqdisho Gen Xassan Maxamed Xuseen Muungaab.Isagoo xaaladda  dadkaasi ay ku sugan yahiin   wax ka waydiiyay  dadkii la joogay islmarkaana  gudoonsiiayay deeq lacageed.

Waxaana Guddoomiyaha gobolka Banaadir uu sheegay in maamulka gobolka Banaadir uu si dhow ula soconayo xaalada dadkani uuna maamulka bixinayo qarashka ku baxayo daweyntooda.

Dhinaca kale  gudoomiyaha gobalka banaadir ahna duqa magaalada muqdisho Genaral xassan maxamed xuseen muungaab shir deg deg ah oo looga hadlayo sababaha keenay dhimashada iyo dhaawaca dadkaasi loo maleynayo in ay cabeen biyo sumeysan.

kulankaasi deg dega ah ayaa waxaa ka soo qeyb galay xubno ka tirsan maamulka gobalka banaadir, xubno ka socday wasaarada caafimaadka hey’adaha ku xeel dheer baarista ceel biyoodka iyo milkiilaha iska leh ceel biyood ku  yaala degmada yaaqshiid oo lagu tuhmayo in ay ku samoobeen dad badan

Inta la ogyahay  waxaa  geeriyootay 10 ruux   ku dhawaad halka 100-ruux oo kale ay    ku jiraan isbitaalada Muqdisho  kuwaa oo ku sumoobay biyo ay cabeen, iydoo ay socdaan  baaritaano lagu ogaanayo  wax  keenay  wax ay ku sumooobeen dadkaasi,Waana markii  ugu horeysay  oo dad intaa la eg ay ku sumoobaan  magaaladda muqdisho .

 

Did you like this? Share it:

LEAVE A REPLY

Please enter your comment!
Please enter your name here