Guddoomiyaha Gobolka Banaadir oo deeq gargaar ah ka guddoomay Wasiirka Maareynta Musiibooyinka “SAWIRRO”

Guddoomiyaha Gobolka Banaadir ahna duqa magaalada Muqdisho Mudane Cumar Maxamud Maxamed (Cumar Filish) ayaa maanta Wasiirka Wasaaradda Gargaarka iyo Maareenta Musiibooyinka ee Xukuumadda Federaalka Soomaaliya mudane Xamza Saciid Xamza kala wareegay deeq gargaar ah oo loogu talagalay in la gaarsiiyo dadka Barakacayaasha.

Deeqdan oo ka kooban baco, teendhooyin iyo raashin ayaa ah mid loogu talagalay dadka baracayaasha ah ee ku nool magaalada.

Wasiirka Gargaarka iyo Maareeynta Musiibooyinka Mudane Xamza Saciid Xamza ayaa deeqda ku wareejiyay Maamulka Gobolka Banaadir.

“Waxaan halkan u joogaa inaan ku wareejiyo agab gargaar beni’adanimo ah Gobolka Banaadir oo loogu talaglay barakacayaasha, waxa ay isugu jiraan Teendhooyin, bustayaal iyo raashin ee iga guddoon Guddoomiye”ayuu yiri Wasiirka Gargaarka

Guddoomiyaha Gobolka Banaadir ahna Duqa Muqdisho Mudane Cumar Maxamuud Maxamed (Cumar Filish) ayaa ka mahadceliyay kaalmada la soo gaarsiiyay, isagoo xusay inay gaarsiin doonaan dadka mudan.

“Waxaan hada Wasiirka iyo dhamaan madaxda Wasaaradda Maareynta aan ka guddoonay kaalmo loogu talagalay dadka barakacayaasha ah, waana gaarsiin doonaa” ayuu yiri Guddoomiyaha Gobolka Banaadir.

Duqa Muqdisho Mudane Cumar Maxamud Maxamed (Cumar Filish) ayaa ganacsatada iyo shacabka Soomaaliyeed ka codsaday inay kaalmo tan la mid ah la soo gaaraan qoysaska barakacayaasha ee uu saameeyay roobabkii ka da’ay magaalada.

“Dad badan oo guryahooda ay dumeen ayaa loo qaaday meel dhaanto meelihii ay deganaayeen, maamulka Gobolka Banaadir waxa uu xooga saaray in uu biyo ka qaado isagoo isticmaalo booyado meelo badan oo biyo buux dhaafiyay, marka ganacsatada iyo shacabka wax heysta waxaan ka codsaneynaa inay u kaalmeeyaan walaalahood barakacayaasha ah” ayuu Guddoomiye Cumar hadalkiisa ku soo gabo gabeeyay.

 

 

LEAVE A REPLY

Please enter your comment!
Please enter your name here