Guddoomiyaha Gobolka Banaadir oo ka qeyb galay Aas Qaran oo Muqdisho loogu sameeyay Marxuum Aadan Jamhuuriya+Sawirro

Guddoomiyaha gobolka Banaadir ahna duqa magaalada Muqdisho mudane Cumar Maxamuud Maxamed (Cumar Filish) ayaa ka qeyb galay aas Qaran oo Muqdisho loogu sameeyay Allaha u naxariistee Marxuum Aadan Xasan Cali oo kamid ahaa xildhibaanada golaha shacabka, kaas oo xalay ku geeriyooday Caasimadda dalka.

“Waxaan ka qeyb galay aaska Qaran ee magaalada Muqdisho loogu saameyay allaha unaxariisto Xildhibaan Aadan Xasan Cali (Jamhuuriya) oo maalmihii ugu danbeeyay ku xanuunsanayay magaalada Muqdisho”ayuu yiri Cumar Filish.

Guddoomiyaha Gobolka Banaadir ahna duqa Muqdisho mudane Cumar Maxamuud Maxamed Cumar Filish ayaa Alle uga baryay Marxuumka inuu Jannadiisa ka waraabiyo.

Aaska ayaa waxaa ka qeyb galay xildhibaano ka tirsan labada Aqal ee baarlamaanka,wasiiro iyo masuuliyiin kale oo ka tirsan dowladda, waxaana lagu aasay qabuuraha Isbitaalka Xoogga dalka ee magaalada Muqdisho.

Allaha u naxariistee Marxuumka oo maalmihii lasoo dhaafay ku xanuunsanaa magaalada Muqdisho ayaa xalay tii Alle u timid, waxaana ka tacsiyeeyay geeridiisa Madaxda ugu sareysa dalka.

 

 

 

LEAVE A REPLY

Please enter your comment!
Please enter your name here