Guddoomiyaha Gobolka Bari oo kulan la qaatay Nabadoonada Gobolka “SAWIRRO”

Guddoomiyaha Gobolka Bari Mudane Cabdisamad Yuusuf Maxamed Abwaan, ayaa maanta kulan la qaatay Nabadoonada Gobolka Bari.

Kulanka ayaa waxa looga hadlay kor u qaadida hormarinta magaalada ganacsiga ee Bosaaso, xoojinta amniga Gobolka, u diyaar garowga doorashooyinka dalka, Nabadoonada ayaa ah kuwo ahmiyad gaar ah leh Maamulka Gobolka ayaana siiya mar waliba mudanaanta Hormarinta Gobolka.

Kulanka ayaa waxa ka soo qeyb galay Taliyaha qeybta Booliska Gobolka Bari Gashaanlle Sare Xuseen Cali Maxamud, isdudwayaasha Wasaaradaha Warfaafinta, Ganacsiga, iyo Kaluumaysiga, Nabadoono, Iyo madax kale oo ka tiraan Dowladda.

Guddoomiyaha Gobolka Bari Mudane Cabdisamad Abwaan, ayaa ka hadlay kulanka waxa uuna Nabadoonada ku bogaadiyey in ay hal meel uga soo wada jeestaan Hormarinta Gobolka adkeeyana midnimada iyo iskaashiga, sidoo kale Guddoomiyaha ayaa Nabadoonada uga mahadceliyey sida ay uga qeyb qaataan Hormarka Gobolka Dhinac waliba.