Guddoomiyaha gobolka Hiiraan oo codsaday in laga shaqeeyo dadka guud

Xilli maalintii shalay magaalada Beledweyne ee xarunta gobolka Hiiraan ay odayaasha dhaqanka ee gobolkaas ay kaga dhawaaqeen in ay ka qeybgali doonaan shirka maamul u sameynta gobolada Hiiraan iyo Shabeelaha dhexe kadib markii laga qanciyay cabasho ay ka qabeen ka qeyb galka shirkaasi ayaa guddoomiyaha gobolka Hiiraan Yuusuf Axmed Hagar (Dabageed) waxaa uu ugu baaqay dadka wali ka maqan shirkaasi in ay ka tagaan isla markaana ay ka shaqeeyaan danta guud ee bulshada Soomaaliyeed.

Guddoomiyaha ayaa sidoo kale tilmaamay in dowladda Soomaaliya ay ku dadaalayso in ay ka shaqeyso sidii loo qancin lahaa dhinacyadda ka maqanaa heshiiskii shalay Beledweyn lagu saxiixay oo sheegayay hirgelinta nidaamka federaalka.

Yuusuf Axmed, guddoomiyaha gobolka Hiiraan ayaa mahadcelin u jeediyay odayaashii sheegay in ay ka qeybgali doonaan shirka Jowhar ka socoda isla markaana goostay in ay ka qeyb qaataan dhismaha maamulka labada gobol.

“Waxaan codsanay qabiil kasta oo hadda diyaar aheyd ama qof kasta oo mas’uuliyad sheeganaa oo ummadda ka mas’uul ah miisbaa u yaal oo lagu xisaabtamayo ha tagaano,” ayuu sheegay Dabageed.

Magaalada Beledweyne ee xarunta gobolka Hiiraan ayaa waxaa wali ku sugan wasiirka arimaha gudaha iyo federaalka kaas oo ku howlan sidii dhamaan odayaasha gobolka loogu qancin lahaa ka qeybgalka shirka magaalada Jowhar ka socda.

 

LEAVE A REPLY

Please enter your comment!
Please enter your name here