Guddoomiyaha Gobolka Hiiraan oo kormeeray goobaha laga sameynayo biyo xireenada xalka waare ah “SAWIRRO”

Guddoomiyaha Gobolka Hiiraan Mudane Cali Jeyte Cusmaan ayaa maanta kormeer ku sameeyay goobaha loogu talo galay in laga sameeyo biya xireenada xalka waare ah ee looga hortagayo qataraha fataahaadaha uu xili walba wabiga Shabeelle ka sameeyo Beledweyne.

Guddoomiyaha Guddiga Xaaji Cismaan Dhagaxoow ayaa Guddoomiyaha Gobolka u sheegay in wax walba ku xiran tahay sida bulshada ugu tashtaan horumarkooda, dhankooduna ay ku dadaalayaan dhismaha goobaha laga dhigayo biyo xireenada.

Mudane Cali Jeyte Cusmaan Gudodomiyaha Gobolka Hiiraan ayaa kormeerka kadib bogaadiyay sida ay howsha u wadaan guddiga iyo enjineeerada isla markaana uu xusay ay labo jibaaraan howlaha adag ee horyaalo, Maamulkana ay dhankooda ka qeyb qaadan doonaan.

Shacabka ku dhaqan magaalada Beledweyne ayaa muhiimad gaar ah u leedahay in xal waare loo helo biyaha fatahaadda, taasi oo sanad kasta saamayn ku yeelata.