Guddoomiyaha Gobolka oo dhagax dhigay inta u dhexaysa dekada iyo Madaxtooyada

Guddoomiyaha Gobolka Banaadir ayaa maanta dhagax dhigay waddada Horumarta inta U dhexeysa Dekada Muqdisho iyo Madaxtooyada Villa Soomaaliya oo aad u burbursan isla markaana la doonayo in dib u dayac tir lagu sameeyo.

Dib u dayac tirka Waddadaan waxa ay muhiim u tahay Gadiidleyda dekada Muqdisho Alaabaha ka soo qaada sida uu sheegay Guddoomiyaha degmada Xamar jajab ee Gobolka Banaadir Axmed Cismaan Dhoorre.

Guddoomiye kuxigeenka  Howlaha Guud ee Maamulka Gobolka Banaadir Cabdicasiis Cilmi Xalane ayaa ugu baaqay Bulshada inay ka qeyb qaataan dhismaha iyo Dayactirka waddooyinka Sidaan oo kale ah.

Guddoomiyaha Gobolka Banaadir Yuusuf Xuseen Jimcaale ayaa sheegay in mashruucaan lagu dhisayo waddada Horumarta Dekada Muqdisho ilaa madaxtooyada Qaranka  ay tahay mashruuca dalkaaga dhiso qofkastana looga baahan yahay in uu dib u dhiska dalka ka qeyb qaato.

LEAVE A REPLY

Please enter your comment!
Please enter your name here