Guddoomiyaha Gobolka Sh.Dhexe Oo Kulan Jowhar Kula Qaatay Qurbo Joog Ka Soo Jeeda Gobolkaasi iyo Xubno Kale

0
1042

Guddoomiyaha gobolka Shabeelaha dhexe Cali C/llaahi Xuseen Guudlaawe ayaa maanta magaalada Jowhar kulan kula qaatay waxgarad, iyo aqoonyahanno Soomaaliyeed oo booqasho ku tagay magaaladaasi kuwaa oo ay ka wada hadleen arrimo kale duwan oo la xiriiray horumarinta gobolka shabeelaha dhexe.

xubnaha maanta kulanka uu la qaatay guddoomiyaha Shabeelaha Dhexe oo isugu jiray kuwa ka socday xafiiska madaxweynaha Dalka Soomaliya mudane Xasan Sheekh Maxamuud iyo qurbajoog ka soo jeeda gobolka shabeelaha dhexe ayaa waxa ay u kuurgalayeen horumarka balaaran ee ka jira gobolkaasi.

Guddoomiyaha gobolka Shabeelaha dhexe mudane Cali C/llaahi Xuseen Guudlaawe ayaa jaaliyada Soomaaliyeed ee ka soo jeeda Shabeelaha dhexe ugu baaqay in ay ka shaqeeyaan horumarinta gobolka, waxaana uu sharaxaad ka siiyay xubnihii maanta uu la kulmay howlaha baaxadda leh ee uu maamulku ka wado gobolka.

Xubnaha wafdiga ayaa waxa ay booqdeen isbitaalka magaalada Jowhar, suuqa xoolaha iyo goobihii ay fatahaadaha saameeyeen.

Did you like this? Share it:

LEAVE A REPLY

Please enter your comment!
Please enter your name here