Guddoomiyaha Gobolka Shabeelaha Dhexe Oo Lagu Wado In Maanta Uu Xariga Ka Jaro Mashaariicyo Laga Hirgaliyay Deegaanada Qalimow iyo Xawaadlay

Guddoomiyaha gobolka Shabeelaha Dhexe ayaa Waxaa lagu wadaa in maanta uu xariga ka jaro mashaariicyo horumarineed oo laga hirgalinayo deegaanada Qalimow iyo xawaadlay oo hoos yimaada Degmada Balcad ee gobolka uu maro wabiga Shabeele ee Shabeelaha Dhexe.

Mashaariicyadani oo ah kuwa muhiimad gaar ah u leh bulshada ku dhaqan deegaanadaasi ayaa waxaa fulinaya Dowladda Qadar oo caawimaad badan ka geysata gobolkaasi, waxaana mashaariicdani ay wax badan ka tari doontaa baahiya badan oo ay qabaan dadka ku dhaqan Qalimow iyo Xawaadlay.

Guddoomiyaha Gobolka Shabeelaha Dhexe Cali C/llaahi Guudlaawe ayaa marka uu xariga ka jaro mashaariicdaasi la hadli doona Warbaahinta isagoo faah faahin ka bixin doonaa muhiimada mashaariicdani iyo sida ay ku doonayaan in ay horumariyaan guud ahaan deegaannada iyo degmooyinka gobolka.

Maamulka Gobolka Shabeelaha Dhexe ayaa ku howlan gaarsiinta adeegyada ay u baahan yihiin bulshada ku dhaqan deegaannada iyo degmooyinka uu ka koobanyahay gobolkaasi, taasi oo ay mahdiyeen dadka ku dhaqan gobolka waxaana arrintani ay qeyb ka tahay dar dar galinta waxqabadka Maamulka gobolka Shabeelaha Dhexe.

 

LEAVE A REPLY

Please enter your comment!
Please enter your name here