Guddoomiyaha Golaha Aqalka Sare oo dalka dib ugu soo laabtay “SAWIRRO”

Guddoomiyaha Aqalka Sare ee Baarlamanka Federaalka Soomaaliya Senator Cabdi Xaashi Cabdullaahi ayaa maanta dalka dib ugu soo laabtay kaddib markii uu ka qeyb galay shirka caalamiga ah ee horumarinta Baarlamaannada, kaa oo ka dhacay magaalada Moscow ee dalka Ruushka.

Shirkaa oo ay ka qayb galeen in kabadan 130 dowladood, 50 Guddoomiye Baarlamaan iyo 800 oo xubno baarlamaani ah ayaa looga hadlay horumarinta baarlamaannada Adduunka iyo sidii la isaga kaashan lahaa.

Guddoomiyaha Aqalka Saree e Baarlamaanka Federaalka Soomaaliya ayaa kulamo la qaatay Guddomiye Ku-Xigeenada 1aad ee labada Aqal ee Dalka Ruushka ee Baarlamaanka Federaalka Ruushka (Duma) iyo Aqalka Federationka Dalka Ruushka (Aqalka Sare), kuwaasi oo uu kala halay xaalada dalka iyo sidii ay u xoojin lahayeen xiriirka labada Baarlamaan ee Soomaaliya iyo Ruushka.

Wafdiga uu hogaaminayo Guddoomiyaha Golaha Aqalka Sare ayaa waxaa garoonka diyaaradaha caalamiga ah ee Aadan Cadde ku soo dhaweeyay Xildhibaanno ka tirsan Golaha Aqalka sare iyo mas’uuliyiin kale.

 

LEAVE A REPLY

Please enter your comment!
Please enter your name here