Guddoomiyaha Golaha Shacabka oo la kulmay Guddiga dib u eegista Dastuurka ee Baarlamaanka “SAWIRRO”

1207

Kulanka Guddoomiyaha Golaha Shacabka ee Jamhuuriyadda Federaalka Soomaaliya uu maanta la qaatay guddiga dib u eegista Dastuurka ee Baarlamaanka Dalka ,waxaa looga hadlayay sidii loo dar dar gelin lahaa howlaha dib u eegista Dastuurka iyo sidii labada aqal ee Baarlamaanka ay si wadajir ah uga wada shaqeyn lahaayeen howlaha dhameystirka iyo hirgelinta dastuurka.

Guddoomiyaha guddiga dhameystirka iyo hirgelinta dastuurka ee Baarlamaanka Senator Cabdi Xasan Cawaale Qeybdiid ayaa guddoomiyaha golaha shacabka uga warbixiyay howlaha guddiga uu qabsoomay, isagoo xusay inay meel wanaagsan u marayaan hanaanka wax looga badalayo Dastuurka dalka.

Guddoomiyaha golaha shacabka ee Jamhuuriyadda Federaalka Soomaaliya Mudane Maxamed Mursal Sheekh Cabdiraxmaan ayaa guddiga uga mahad celiyay howlaha wanaagsan ee ay hayaan, isagoo sheegay in labada aqal ee Baarlamaanka dalka ay si wadajir ah ugu shaqeyn doonaan sidii dastuurka uu u noqon lahaa mid dhameystiran.

Sidoo kale Guddoomiyaha Golaha Shacabka ayaa xafiiskiisa ku qaabilay Mas’uuliyiin ka socotay barnaamijka horumarinta Qaramada Midoobay ee UNDP oo golaha shacabka ka taageera dhinaca horumarinta guddiyada, waxayna ka wada hadleen xoojinta wada shaqeynta UNDP iyo golaha shacabka, sida uu Warbaahinta Qaranka u sheegay xildhibaan Maxamed Cabdulaahi Xasan Nuux oo ah habdhowraha golaha shacabka.

 

Did you like this? Share it:

LEAVE A REPLY

Please enter your comment!
Please enter your name here