Guddoomiyaha Guddigii hubinta xubnaha guddiyada doorashooyinka oo ka hadlay howshii ay qabteen

Guddoomiyaha Guddigii hubinta xubnaha guddiyada doorashooyinka ahna Wasiirka Waxbarashada Xukuumadda Federaalka Soomaaliya Mudane Cabdullaahi Abuukar Xaaji ayaa sharaxaad ka bixiyay shaqadii guddiga ee kala shaan-dheynta xubnaha cabashada laga keenay, isagoo sheegay in guddiyada laga saaray 40 xubnood, laguna badelay kuwo cusub.

Mudane Cabdullaahi ayaa xusay in guddiga uu maanta saxiixay Ra’iisul Wasaaraha Soomaaliya, kuwaasi oo uu ku tilmaamay iny noqon doonaan guddi dhex dhexaad ah oo aan ku shaqeyn doonin eex iyo nin jecleysi, isagoo ka cudur daartay in haddii ay jiraan dad si qaldan looga saaray guddiga ama aan la arkin.

Guddoomiyaha Guddigii hubinta xubnaha guddiyada doorashooyinka ayaa sheegay in wixii maanta ka dambeeya uu dalka u dareerayo doorasho, isla markaana uu ka rajeynayo dhinacyada siyaasadeed ee dalka ay soo dhaweyn doonaan.

 

 

LEAVE A REPLY

Please enter your comment!
Please enter your name here