Guddoomiyaha Shaqaalaha Rayidka oo ku ammaanay Wasaaradda Maaliyadda joogtaynta mushaharaadka shaqaalaha.

0
1379

Mudane Xasan Abshir Maxamed Guddoomiyaha Guddiga SHaqaalah Rayidka Soomaaliyeed oo maanta hadal ka jeediyay munaasabad Wasaaradda Maaliyadda Xukuumadda Federaalka Soomaaliya ay ku so bandhigaysay waxqabadkeeda ayaa ka hadlay sida ay shaqaalaha Rayidka ay u heleen xuquuqdooda iyo kaalinta Wasaaradda Maaliyadda.

Wuxuu ku ammaanay Wasaaradda Maalliyadda Dowladda Soomaaliya sida ay u joogtaysay bixinta mushaharadka Shaqaalaha Dowladda mudadii sanadka ahayd,isagoo ugu hambalyeeyey guulaha maamulka maaliyadeed oo ay gaartay Wasaaradda.

“Hambalyo iyo bagaadin ayaan u dirayaa Wasaaradda Maalliyadda Mushaarka shaqaalaha waa la bixiyay waana arrin amaan mudan,shaqaalaha walwalkii ay ka qabeen mushaar la’aanta wey ka baxeen. shaqaalaha waxaa lagarabaa oo waajib ku ah adeeegga shacabka ay u hayaan in si dhab ah ay u qabtaan,musuqana waxaa qeyb ka ah in adiga oo lacag qaadanaya aadan shaqeyn oo aadan soo xaadirin, Hay’adaha Dowladda waxaan ka codsanayaa in shaqlaalaha la howlgaliyo si ay shaqadooda si fiican ugu gutaan”, Ayuu yiri Xasan Abshirow .

Shaqaalaha waxaan ka shaqeyneynaa in aqoontooda kor aan u qaadno waan bilownay. Xukuumadda Soomaaliya waxaan laga rabaa in barnaamijo shaqo abaaur ah loo sameeyo dadka dhalinyarada ah taasi waxay keeneysaa in Aminiga ay qeyb weyn ka qaadato waxaa kaloo ay u noqoneysaa shaqo abuur.

Guddoomiyaha guddiga SHaqaalaha Rayidka Soomaaliyeed Xasan Abshir Maxamed Xasan Abshirow ayaa sheegay in ay ka shaqeynayaan sidii shaqalaha ay u heli lahaayeen tababaro ku filan si sare loogu qaado aqoontooda iyo xirfadooda,si adeeg tayo leh ay ugu qabtaan bulshada Soomaalyeed.

Did you like this? Share it:

LEAVE A REPLY

Please enter your comment!
Please enter your name here