Guddoomiye Guudlaawe: “Haraadiga Al-Shabaab waa laga ciribtiraya guud ahaan Gobolka”

1976

Guudlaawe

Guddoomiyaha Gobolka Shabeelaha Dhexe Mudane Cali Cabdullaahi Xuseen Guudlaawe oo ka hadlay howlgalka ka dhanka Kooxda Nabad diidka ah ee Al-Shabaab ayaa sheegay inuu socdo wejigii ugu dambeeyay ee howlgallo lagu cirib tirayo haraadiga Al-Shabaab.

Guddoomiye Guudlaawe ayaa soo hadal qaaday dagaalkii ka dhacay Ruunirgood, waxaana uu tilmaamay in ciidanka xoogga ay ku dhiiradeen, iyagoo kaligood ah inay Al-Shabaab ka qabsadaan in ka badan 100 Km, ayna taasi muujinayso awoodda ciidanka xoogga, waxa uu intaa ku daray in Al-Shabaab laga ciribtirayo guud ahaan Shabeelaha Dhexe.

“Ciidanku waxaan ku bogaadinaya talaabada ay qaadaan si loo ciribtiro haraadiga Al-Shabaab, waxaan rajaynayaa meelaha yar yar ee ay ku dhuumanayaan si ay u dhibaateeyaan dadkana in dhawaan gacanta lagu dhigo, lagana sifeeyo Al-Shabaab dhamaan Gobolka waa laga xoreynayaa UGUS iyo guud ahaan Dalka” ayuu yiri Guddomiyaha.

Guddoomiyaha ayaa tacsi u diray ehelada geesiyaashii  Ciidanka Xoogga ee naftooda ku waayay, iyagoo difaacaya  Qaranka dagaalkii ka dhacay Ruun-Irgood, waxaana uu sheegay in saddex u jibaar ciidanka Xoogga ee shahiiday laga dilay Argagaxisada Nabad iyo Nolol diidka ah.

“Waxaan leeyahay ciidanka xoogga waxaa tihiin geesiyaal u dhintay, iyagoo Qarankooda Difaacaya Nabadiidku waa ay sii daciifayaan  waxaana ay ku dhimayaan wada qaldan oo aan ujeeda laheen saddex u jibaar inta Ciidanka Xoogga ka shiiday oo qaarkooda u dhinta ayaa laga dilay Al-Shabaab, waana ay jabeen Argagaxisadu” ayuu yiri Guddoomiye Guudlaawe.

Hadalka Guddoomiyaha Gobolka Shabeelaha Dhexe Cali Guudlaawe waxa uu imaanaya, Iyada oo uu socda howlgal balaaran oo Nabad Diidka Al-Shabaab looga sifeynayo Gobolka Shabeelaha Dhexe.

 

Did you like this? Share it:

LEAVE A REPLY

Please enter your comment!
Please enter your name here