Guddoomiye Jawaari oo ka hadlay qorshe howleedka Baarlamaanka horyaalla

Guddoomiyaha Barlamaanka Federaalka ah ee Soomaaliya ayaa sheegay in Dawladda Soomaaliya  ay dib usoo  noo laynayso  hay’adahii  dawligii  ee  dalkeena,  iyada oo loo maraya  habka  nidaamka  Federaalka  ah ee ay dowladdu qaadatay.

Mudane  Maxamed Sheekh  Cusmaan Jawaari   oo  ka hadlay ay   kulanka  golaha shacabka ay shalay ku yeesheen Muqdisho  ayaa  tilmaamay    in    dowladda  federaalka  ah  ay ahmiyad  gaar ah siin doonto  baahinta   nidaamka   dawladnimo  ee dalka,  taas  oo qaybka  ah  balanqaayadii  dowladda  Federalka ah ay horey u sameysay.

“Dib u soo nooleynta dhamaan hay’adihii dowladda ee dhanka fulinta, axdigii aan Eebe hortiis ku wada galmay bilogwii madashii sagaalaad, waxaa ka mid ahaa in aan xoogga saari doono dib u soo nooleynta dhamaan hay’adihii dowladda ee awoodda fulinta u lahayd adeega bulshada, waxaan idin xusuusinayaa in aanu qaadanay nidaam dowladeedka federaaliga ah, oo awoodda fulinta ay u qeybsantahay heer dowlad dhexe oo federaal ah  iyo heer dowlad goboleedyo oo qeyb ka noqonaya federaalka Soomaaliya, hadana anagoo noo harsantahay sanad iyo bil kaliya ah, waxaa lama huraan ah in aan is weydiino maxaa dalkeena u qabsoomay dhanka horumarinta hay’adaha dowladda” ayuu yiri Prof Jawaari oo hadalkiisa ku daray, “Waxa ay ilatahay in aan arrimahaan u kala qaadno, xaaladda adeegyada bulshada ee ay hayaan hadda hay’adaha fulinta oo hadda noo dhisan, federaaleynta in dalka loo dhameystiro, iyo in aan eegno hay’adaha kale ee loo baahanyahay in aan dhisno”