Guddoomiye Jawaari oo la kulmay danjriaha Midowga Yurub

1696

Guddoomiyaha golaha shacabka ee Jamhuuriyadda federaalka Soomaaliya mudane Maxamed Sheekh Cusmaan (Jawaari) ayaa xafiiskiisa ku qaabilay danjiraha Midowga Yurub ee  Soomaaliya oo ay kawada hadleen xiriirka Soomaaliya iyo Midowga yurub iyo sidoo kale dardar gelinta howlaha horumarineed ee midowga Yurub uu ku taageeraayo golaha shacabka.

Sidoo kale, guddoomiyaha golaha shacabka ayaa la kulmay sii hayahah danjirahaMasar ee Soomaaliya Tamer Safwat El-Mahdy oo ay ka wada hadleen xiriirka dalalka Soomaaliya iyo Masar iyo sidoo kale xiriirka labada Baarlamaanka ee Soomaaliya iyo Masar ,waxaana sii hayahah safiirka Masar ee Soomaaliya uu uga mahad celiyay guddoomiyaha golaha soo dhoweyntiisa wanaagsan iyo sida ay uga go’an tahay kor u qaadida xiriira walaaltinimo ee ka dhaxeeya labada wadan.

Guddoomiyaha golaha Shacabka ee Jamhuuriyadda federaalka Soomaaliya Mudane Maxamed Sheekh Cusmaan (Jawaari) oo dhankiisa u mahad celiyay dowladda iyo Shacabka Masar ayaa hambalyo ku aadan sanad guuradii 65-aad ee kasoo wareeegatay markii xornimada qaatay dalka Masar u diray shacabka Masar iyo dowladda gaar ahaan baarlamaanka dalkaasi.

Dhinaca kale, qaarka mid ah gudiyada golaha Shacabka ayaa maanta kulamo ay kaga hadleen  qorshe howleedkooda ku yeeshay xarunta Villa Hargeysa ,iyagoo gudiyada qaarkooda la kulmay Wasiirada wasaaradaha shaqadooda ku abaaran tahay.

Xildhibaan Cali Cusmaan Xirsi (Cali Jowhar) oo ah guddoomiyaha gudiga arimaha adeega bulshada ee golaha shacabka iyo guddoomiyaha gudiga difaaca ee golahaas Xildhibaan Xuseen Carab Ciise oo la hadlay Warbaahinta qaranka ayaa sheegay in ay kulamadan qeyb ka yihiin howlaha isla xisaabtanka.

Guddoomiyaha gudiga ganacsiga iyo warshadaha ee golaha shacabka xildhibaan Maxamuud C/raxmaan Beene-Beene, guddoomiyaha gudiga maaliya ,miisaaniyada iyo qorsheynta ee golaha shacabka xildhibaan Cali Cabdi Cusmaan iyo  sidoo kale Xildhibaan C/fitaax Ismaaciil Taahir oo ah guddoomiyaha gudiga howlaha guud iyo tamarta ee golaha shacabka ayaa   sheegay in ay la kulmeen qaar kamid ah wasaaradaha shaqdooda ku abaaran tahay.

Guddiyada golaha shacabka ayaa maalmihii ugu dambeeyay kulamo la yeelanayay wasaaradaha ay u xilsaaran yihiin oo ay kala hadlayeen howlaha horyaala iyo qorshahooda sanadaha soo socda.

 

Did you like this? Share it:

LEAVE A REPLY

Please enter your comment!
Please enter your name here