Guddoomiye Jawaari Oo Xiray Kalfadhiga 7aad Ee Baarlamaanka Islamarkaana Guddoomay Billad Sharaf “SAWIRRO”

Guddoomiyaha Golaha Shacabka Jamhuuriyadda Federaalka Soomaaliya Mudane Maxamed Sheekh Cusmaan “Jawaari” ayaa si rasmi ah u xiray maanta Kalfadhiga 7aad ee Baarlamaanka Federaalka Soomaaliya isaga oo dhinaca kalena guddoomay billad sharaf ay guddoon siisay akadeemiyad caalami ah oo fadhigeedu yahay dalka Talyaaniga.

Bilowga kulanka Baarlamaanka ee maanta waxaa lagu hor qabtay Xildhibaannada munaasabad Guddoomiyaha Baarlamaanka Federaalka Soomaaliya Mudane Maxamed Sheekh Cusmaan “Jawaari” ayadoo biladaasina ay guddoomiyaha u soo garteen akadeemiyada caalamiga ah ee “Giuseppe Pitre” ee fadhigeedu yahay dalka Talyaaniga.

Xildhibaanad Khadiijo Maxamed Diiriye oo ka mid ah Xildhibaannada Baarlamaanka oo munaasabadda ugu horeyn ka hadashay ayaa tilmaantay in Baarlamaanka Federaalka Soomaaliyeed ay guul u tahay billad sharafta ah akadeemiyadan caalamiga ah u soo garatay Guddoomiyaha Baarlamaanka islamarkaana uu ku muteystay howlkarnimadiisa.

Guddoomiyaha guddiga arrimaha bulshada ee Baarlamaanka Federaalka Soomaaliya islamarkaana ah musharaxa biladda Nobel Peace Price oo ay akadeemiyadda Giuseppe Pitre usoo wakiilatay guddoonsiinta biladdan ayaa tilmaamay in akadeemiyaddan ay guddoomiyaha Baarlamaanka Soomaaliya u garatay bilad sharafta kadib markii uu muujiyey howlkarnimo uu wax ugu qabtay dadkiisa iyo dalkiisa.

Afhayeenka Baarlamaanka Federaalka Soomaaliya Mudane Maxamed Sheekh Cusmaan “Jawaari” oo ugu dambeyn munaasabadda ka hadlay ayaa uga mahad celiyey akadeemiyadda Giuseppe Pitre ee dalka Talyaaniga garashada ay u soo garteen billad sharaftan islamarkaana uu ku guddoomayo magaca Xildhibaannada Golaha Shacabka oo ay marqaati u tahay howlqabadka ay muujiyeen.

Dhinaca kale Guddoomiyaha Baarlamaanka Federaalka Soomaaliya Mudane Maxamed Sheekh Cusmaan “Jawaari” ayaa si rasmi ah waxa uu u soo xeray maanta Kalfadhiga 7aad ee Baarlamaanka khudbad uu ka jeediyey munaasabdda ayuu ugu baaqay Xukuumadda in 15ka April ay Golaha Shacabka ku hor keento barnaamijkeeda oo faah faahsan.

Guddoomiye Jawaari Billad Giuseppe Pitre (1) Guddoomiye Jawaari Billad Giuseppe Pitre (1) Guddoomiye Jawaari Billad Giuseppe Pitre (2) Guddoomiye Jawaari Billad Giuseppe Pitre (4) Guddoomiye Jawaari Billad Giuseppe Pitre (5) Guddoomiye Jawaari Billad Giuseppe Pitre (6) Guddoomiye Jawaari Billad Giuseppe Pitre (7) Guddoomiye Jawaari Billad Giuseppe Pitre (8) Guddoomiye Jawaari Billad Giuseppe Pitre (9) Guddoomiye Jawaari Billad Giuseppe Pitre (10) Guddoomiye Jawaari Billad Giuseppe Pitre (11)

—-DHAMMAAD—-

Xafiiska Warfaafinta iyo Xiriirka Dadweynaha ee Guddoonka Baarlamaanka

Media & Public Relation office of Speaker

LEAVE A REPLY

Please enter your comment!
Please enter your name here