Guddoomiye Jawaari: “Xukuumaddu waa inay gacanta dowladda ku soo celisaa furaha 252”

0
1638

Afhayeenka golaha barlamaanka Sooamaliya mudane Maxmed Sheekh Cismaan Jawaari oo ka hadlay kulan-howleed uu la yeeshay wasiirka boostada iyo isgaarsiinta ayaa golaha xukuumada Soomaaliya ka dalbaday iney gacanta dowlada dib ugu soo celiyaan  furaha Tafeefoonnada Soomaaliya ee 252, oo ah hanti qaranka Soomaaliyeed leeyahay.

“Arrimaha kale aan hoosta ka xariqaayo oo inbadan isoo gaaray waxaa weeyaa,n nabarka Soomaaliya loo yaqaano 252 wa inuu  gacantena kusoo noqoto, ha noqoto 2 bil, ha noqoto shan bil, waa in hadda la bilaabaa, howshiisa hadii ay socoto in la sii dadajiyo. 252 suuqa waregaayay iyo caalamka uu waregaayay ma ogalin, taa waxaa weyaan iney degdeg u timaado maxaa yeelay dowladanimada ayaa taa ku jirta”

Dhanka kale guddoomiyaha ayaa amaan ballaaran u soo jeeydiyay shirkadaha ganacsiga taleefanada iney shaqo weyn  qabteen, islamarkana horumarka dalka qeyb weyn ka qaateen, isagoo ka dalbay iney bixiyaan cashuurta dalka si hormarka iyo dhismaha dalka logu hormariyo.

“Milkiiliyasha shirkada laftigooda  waxaan aaminsan ahay iney yihiin dad aqoon leh, muslimiin ah, ku leh xaq qof kasta waa inuu bixiyaa waxa xaqa loogu leeyahay,  haddii ay rabaan iney hantidoodu u barakowdo waxa aan ka raadineyno aan leenahay iska bixiya, canshuurtaasi kalmada canshuur Af-Soomaali waa dhaqan-dhowrto, haddi la bixiyo dhaqan dhowrtadaasi la bixiyo xoolahooda xalaal iyo barako ayuu u yelanayaa“

Ugu dambeyntii guddoomiyaha  golaha baarlamaanka fedaralka Soomaaliya mudane Maxmad Sheekh Cismaan Jawaari ayaa soo u soo  jeeydiyay golaha fulinta ee xukuumada Soomaaliya in ay wacyi gilin joogta ah u sameeyaan  milkiilayasha shirkadda si ay canshuurta u bixiyaan.

 

Did you like this? Share it:

LEAVE A REPLY

Please enter your comment!
Please enter your name here