Guddoomiye Ku Xigeenka 2aad Ee Golaha Shacabka Oo Tababar Usoo Xiray Guddiga Dastuurka Ee Baarlamaanka “DAAWO”

1263

Guddoomiye ku xigeenka Labaad ee Golaha Shacabka Jamhuuriyadda Federaalka Soomaaliya Mudane Mahad Cabdalla Cawad ayaa magaalada Nairobi ee caasimadda dalka Kenya tababar ugu soo xiray guddiga dib u eegista Dastuurka ee Baarlamaanka Federaalka Soomaaliya.

Tababarkan oo socday mudo todobaad ah ayaa lagu baranayey casharro la xiriira sidii loo dhameystiri lahaa dib u eegista Dastuurka dalka ayadoo ay soo qabanqaabisay hay’adda Max Plan Foundation ee dalka Jarmalka waxaana ka qeybgalay xildhibaannada labada Aqal ee Baarlamaanka ay u xil saarteen dhameystirka dib u eegista Dastuurka.

Guddoomiyaha guddiga dib u eegista labada aqal ee Baarlamaanka Mudane Cabdi Xasan Cawaale Qeydiid oo ka hadlay muhiimadda tabarkan ayaa tilmaamay in mudadii todobada cisho ee ay joogeen Niarobi ay Xildhibaannadu ka kororsadeen waxyaabo badan waxaana uu rajo ka muujiyey in howshan dib u eegista Dastuurka ee loo igmaday ay ku dhammaan doonto si hufan.

Guddoomiye ku xigeenka Labaad ee Golaha Shacabka Jamhuuriyadda Federaalka Soomaaliya Mudane Mahad Cabdalla Cawad oo gebagebadii jeediyey khudbaddiisa xeritaanka tababarka ayaa shacabka Soomaaliyeed ugu bishaareeyey in guul u soo hooyatay ay tahay in guddiyadii iyo wasaaraddii Dastuurka ay si wadajir u wada shaqeynayaan waxaana uu kula dardaarmay xildhibaannada iney waxyaabaha ay kororsadeen ku dadaal sidii shaqadooda looga dareemi lahaa.

 

 

Did you like this? Share it:

LEAVE A REPLY

Please enter your comment!
Please enter your name here