Guddoomiye ku xigeenka Arrimaha Bulshada Gobolka Banadir oo kormeer ku sameysay qaar ka mid ah Degmooyinka Gobolka.

Guddoomiye ku xigeenka arrimaha bulshada iyo wacyigelinta maamulka gobolka Banaadir Marwo Basmo Caamir Jakeeti ahna guddoomiyaha maalmaha todobaadka xorriyada heer gobol ayaa xalay kormeertay degmooyinka Xamar Jajab, Waaberi,Howlwadaag iyo Cabdicasiis oo ay ka soctay ololaha nadaafadda bilic soo celinta Caasimadda.

Kormeerka ayaa waxaa guddoomiyaha ku wehlinayay Agaasimaha nadaafadda iyo bilic soo celinta Caasimadda Sharmaake Tuuryare,guddoomiyeyaasha degmooyinka ay kormeertay iyo saraakiisha laamaha ammaanka.

Ujeedka ololahaan nadaafadeed ayaa ahaa sidii loogu diyaar garoobi lahaa toddobaadka xorriyada oo maalmo yar ay ka harsanyihiin wuxuuna ka billowday dhammaan degmooyinka gobolka Banaadir.

LEAVE A REPLY

Please enter your comment!
Please enter your name here