Guddoomiye ku-xigeenka Howlaha guud ee Gobolka Banaadir oo Istanbul kula kulmay Madaxweynaha Hay’adda Bisha Cas Turkiga

Guddomiye Ku-xigeenka hawlaha guud ee maamulka gobolka Banaadir Faarax Cabdi Diini iyo Xogahayaha guud ee Maamulka Gobolka Banaadir Xiireey Axmed Rooble ayaa magaalada Istanbul kulan kula qaatay Madaxweynaha Hey’ada Bisha Cas ee Turkiga Dr. Kerem Kınıki.

Qodobadii ay kawada hadleyn mas’uuliyiinta maamulka gobolka Banaadir iyo madax sare ee Hey’ada bisha Cas Turkiga waxaa ka mid aheyd

1. Gurmadkii abaaraha 2011 iyo garab istaaga ay bisha cas u sameysay bulshada Soomaaliyeed xilligaas adag.

2. Tababarada shaqaalaha Waaxda Caafimaadka iyo diyaarinta Xarun deg deg uga jawaabto musiibooyinka kala duwan Disaster response center.

3. Dayactirka Gaadiidka waaweyn ee ciladaha dartood aan u shaqeyneynin maadaama markoodii hore Turkiga warshadihiisa ay soo saareen.

4. Dib u hawl-galinta Warshaddii soo saaraysay Interlock yada iyo Tubooyinka bulaacadaha si xal looga gaaro Bulaacad la’aanta Muqdisho culeyska badan ku reebtay xilli roobaadyada.

5. Sidoo kale waxaa hoosta laga xariiqay in tababaro la siiyo Shaqaalaha Makaanikada Gaadiidka Gobolka Banaadir iyo shaqaalaha Waaxda Bulaacadaha si ay xal ugu helaan caqabadhaha ka taagan gaadiidka waaweyn ee magaalada loogu adeego iyo bulaacadaha.

LEAVE A REPLY

Please enter your comment!
Please enter your name here