Guddoomiye ku xigeenka Howlaha guud oo Istanbul kula kulmay Xoghayaha guud ee Midowga magaalooyinka dalka Turkiga “SAWIRRO”

Guddoomiye ku-xigeenka howlaha guud ee maamulka gobolka Banaadir Mudane Faarax Cabdi Diini iyo Xoghayaha guud ee Gobolka Banaadir Xiireey Axmed Rooble ayaa magaalada Istanbul kulan kula qaatay xoghayaha guud ee Midowga Magaalooyinka dalka Turkiga iyo Dunida oo markii magaceeda lasoo gaabiyo loo yaqaano ( TDBB).

Kulankan ayaa looga hadlay sidii dowladda Turkiga ay u sii xoojin laheyd mashaariicda horumarineed ee laga fulinayo magaalada Muqdisho, si Caasimadda ay usoo ceshato maqaamkii ay ku laheyd Caalamka.

Xoghayaha guud ee Midowga Magaalooyinka dalka Turkiga iyo Dunida oo marka magaceeda lasoo gaabiyo loo yaqaano ( TDBB) ayaa balan qaaday in dowladaha hoose ee Turkiga ay taageeri doonan barnaamijyada lagu horumarinayo magaalada Muqdisho, isla markaana ay kala hadli doonan madaxda ay quseyso sidii ay kaalin uga qaadan lahaayeen dib udhiska Caasimadda Soomaaliya.

Guddoomiye ku-xigeenka howlaha guud ee maamulka gobolka Banaadir iyo Xoghayaha guud ee gobolka Banaadir ayaa maalmaha soo socda kulama la qaadan doonan qaar ka mid ab madaxda kala duwan ee dowlada Turkiga, si ay ugala hadlaan horumarinta Caasimadda Jamhuuriyada Soomaaliya ee Muqdisho.

 

 

LEAVE A REPLY

Please enter your comment!
Please enter your name here