Guddoomiye ku xigeennada 1-aad iyo 2aad ee Baarlamaanka Hirshabeelle oo la doortay Siraaji Sheekh Isxaaq iyo Mahad Xasan Cismaan

Xildhibaan Siraaji Sheekh Isxaaq, ayaa loo doortay Guddoomiye ku-xigeenka koowaad ee Baarlamaanka Dowlad Goboleedka Hirshabeelle doorasho goordhow ka dhacay magaalada Jowhar ee Caasimadda Hirshabeelle.

Golaha Wakiilada Hirshabeelle, ayaa Guddoomiye ku xigeenka 1-aad ee Baarlamaanka Hirshabeelle u doortay Xildhibaan Siraaji Sheekh Isxaaq, kadib markii uu tanaasulay Xildhibaan Saadaq Salaad Warsame oo ahaa Musharixii la tartamaayey.

Sidoo kale Xildhibaannada ayaa guddoomiye ku-xigeenka labaad u doortay Xildhibaan Mahad Xasan Cismaan oo helay 85 cod, halka Xildhibaan Canab Axmed ay heshay 10 cod, halka afar cod ay halaabeen.

Xildhibaanadda Dowlad Goboleedka Hirshabeelle ayaa sido kale horey u doortay Guddoomiya Baarlamaanka Hirshabeelle Xildhibaan Cabdixakiin Luqmaan Xaaji Maxamed.

LEAVE A REPLY

Please enter your comment!
Please enter your name here