Guddoomiye Ku-xiggeenka Labaad ee Golaha Shacabka  oo Hambalyo u diray Madaxweynaha Puntland iyo Ku-xiggeenkiisa.

Guddoomiye kuxigeenka labaad ee Golaha Shacabka Jamhuuriyadda Federaalka Soomaaliya Mudane Mahad Cabdalla Cawad ayaa Qoraal kasoo baxay Xafiiskiisa hambalyo ugu diray Mudane Siciid Cabdullaahi Maxamed (Dani) iyo Madaxweyne ku xigeenka cusub Axmed Cilmi Cusmaan (Karaash)oo maanta ku guuleystay Doorashadii ka dhacday Magaaladda Garoowe ee Xarunta Dowlad Goboleedka Puntland.

 

“Waxaan hambalyo iyo boggaadin u dirayaa Madaxweynaha cusub ee Dowlad Goboleedka Puntland Mudane Siciid Cabdullaahi Maxamed (Dani) iyo madaxweyne ku xigeenka cusub ee maamulkaasi Axmed Cilmi Cusmaan (Karaash) oo ay maanta doorteen Xildhibaanada Golaha Wakiiladda Dowlad Goboleedka Puntland,waxaana Alle uga baryayaa Inuu la garab galo xilka culus ee loo doortay uuna ku guuleeyo.

Sidoo kale Guddoomiye ku xigeenka labaad ee Golaha Shacabka ayaa aad u ammaanay Xildhibaanada Golaha Wakiiladda Dowlad Goboleedka Puntland doorashadii ka dhacday Garoowe ee sida nabad galyada iyo dimoqoraadiyada leh ku dhacday.

“Waxaan amaan iyo bogaadin u dirayaa dhamaan Guddoonka iyo Xildhibaanada Golaha Wakiiladda Dowlad Goboleedka Puntland doorashadii maanta dhacday.

Ugu dambeyn Guddoomiye Mahad Cabdalla Cawad ayaa u mahad celiyay  musharixiintii kale ee la tartameysay Madaxweynaha  la doortay ee Siciid Dani iyo Musharaxa madaxweyne kuxigeenka guuleystay sida ay u aqbaleen natiijadii kasoo baxday doorashada Sidoo kalena waxa uu amaanay Laamaha Amaanka iyo Shacabka deegaanada Dowlad Goboleedka Puntland.

LEAVE A REPLY

Please enter your comment!
Please enter your name here