Ololaha Deriseynta oo laga bilaabay Muqdisho “SAWIRRO”

0
1072

Guddoomiyaha Gobolka Benaadir ahna duqa Muqdisho ayaa maanta daah furay olalaha dariseynta degmooyinka Gobolka Benaadir, iyadoo isla maanta uu ka bilowday degmada Waaberi.

Munaasabad lagu daah furayay howlaha dariseynta degmooyinka Gobolka Benaadir, isla markaana lagu tira koobayo dadka ku nool xaafadaha magaalada Muqdisho ayaa waxaa ka qeyb galay xubno ka tirsan Maamulka gobolka Benaadir, saraakiil ka tirsan ciidamada booliska iyo xubno kale kaasi oo lagu qabtay xarunta Degmada Waaberi.

Cabdixakiin Maxamed Haaddi oo ah Madaxa dariseynta Maamulka Gobolka Benaadir ayaa tilmaamay in barnaamijkan uu wax weyn ka tari doono xagga amniga, isla markaana uu yahay mid lagu ogaanayo dadka ku nool dhamaan xaafadaha magaalada Muqdisho.

Guddoomiyaha Degmada Waaberi Axmed Muumin Axmed oo isna munaasabadda ka hadlay ayaa sheegay in uu aad ugu faraxsanyahay in degmadiisu ay nasiib u yeelatay in maanta howlaha Dariseynta laga bilaabo.

Taliyaha qeybta booliska Gobolka Benaadir Sareeyo Guuto Maxamed Cumar Madaale ayaa sheegay in u jeedka howlaha uu yahay xasilinta amniga, isagoo xusay in maamulka gobolka ay kala shaqeynayaan hirgelinta howlaha dariseynta.

Guddoomiyaha Gobolka Benaadir ahna duqa Muqdisho mudane Xasan Maxamed Xuseen Muungaab oo furay howlaha dariseynta, isla markaana tirikoobkii ugu horeeyay ka sameeyay guri ku yaalla degmada Waaberi ayaa ugu baaqay shacabka inay kala shaqeeyaan sidii howlahan loo hirgelin lahaa, maadaama ay qeyb lixaadleh ka qaadaneyso sugidda amniga magaalo madaxda dalka

Ololahaan ayaa ah wejigii labaad , iyadoo wajigii koowaad uu daah furay guddoomiyihii hore ee gobolka Benaadir mudane  Maxamuud Axmed Nuur Tarsan

DSCF9892 DSCF9806 DSCF9810 DSCF9826 DSCF9824 DSCF9820 DSCF9819 DSCF9813 DSCF9811 DSCF9828 DSCF9830 DSCF9832 DSCF9833 DSCF9835 DSCF9839 DSCF9879 DSCF9878 DSCF9855 DSCF9853 DSCF9847 DSCF9840 DSCF9881 DSCF9883 DSCF9888
DSCF9894 DSCF9917Sawir Qaade:- Jabiiba

 

 

Did you like this? Share it:

LEAVE A REPLY

Please enter your comment!
Please enter your name here