Guddoomiye Muungaab ” Wey mahadsanyihiin Injineeradii ka qayb qaatay dhismaha Aqalka Dowladda Hoose

1485

Kulan loogu mahadcelinayey dadkii ka qeyb qaatay dhismaha xarunta dowladda hoose ee Xammar ayaa lagu qabtay Magaalada Muqdisho.

Kulanka oo ka dhacay xarunta Dowladda Hoose ee Xammar ayaa waxaa ka qayb galay Madaxda Maamulka Gobolka Banaadir, injineeradii ka qayb-qaatay dhismaha xarunta iyo marti sharaf kale.

Guddoomiyaha Gobolka Banaadir ahna duqa Magaalada Muqdisho ayaa u mahadceliyay cidwalba oo ka qayb qaadatay quruxda iyo dib u soo Noo laynta Aqalka Dowladda Hoose ee xammar.

“Runtii waxaan rabaa inaan halkaan uga mahadceliyo Guddigii qaban qaabada xafladdii Taariikhiga ahayd ee furitaanka Aqalka Dowladda hoose ee Xammar ee uu ka soo qayb galay madaxweynaha Soomaaliya Xasan Sheekh Maxamuud” ayuu yiri guddoomiye Muungaab.

Sidookale Guddoomiyaha gobolka ayaa u macahceliyay Injineeradii ka qayb qaatay Dhismaha Aqalka Dowladda hoose ee Xammar kuwaas oo goobta xafladda ka dhecaysay ku sugnaa.

Muddo Afar iyo labaatan sano kaddib ayaa dib loo howlgaliyay xaruntii Dowladda Hoose ee Xammar kaas uu shalay dib u howlgalinteeda uu ka qayb qaatay Madaxweynaha Jamhuuriyadda federaalka Soomaaliya Xasan Sheekh Maxamuud islamarkaana uu sheegay in loogu yeeri doono xarunta Aqalka Dowladda hoose ee Xammar.

Did you like this? Share it:

LEAVE A REPLY

Please enter your comment!
Please enter your name here