Guddoomiye Taabit oo si weyn loogu soo dhoweeyay magaalada Dhuusamareeb “SAWIRRO”

0
2082

Guddoomiyaha Gobolka Banaadir ahna Duqa Muqdisho Thaabit Cabdi Maxamed iyo Wafdi uu hogaaminayo ayaa gaaray magaalada Dhuusamareeb ee xarunta Gobolka Galgaduud, halkaasi oo si weyn loogu soo dhoweeyay.

Guddoomiye Thaabit ayaa waxaa safarkiisa ku wehlinaya Wasiiru Dowlaha madaxtooyada Soomaaliya Cabdulqaadir Macalin Nuur, waxaana garoonka diyaaradaha magaalada Dhuusamareeb ku soo dhoweeyay madaxa Xukuumadda Maamulka Galmudug Sheekh Maxamed Shaakir iyo mas’uuliyiin kale.

Soo dhoweyn ka dib Guddoomiyaha Gobolka Banaadir iyo wafdigiisa ayaa loo gudbiyay xarunta madaxtooyada ee magaalada Dhuusamareeb ee xarunta Gobolka Galgaduud halkaasi oo Xildhibaano ka tirsan  labada Aqal ee Baarlamaanka kaga horeeyaan.

Magaalada Dhuusamareeb ayaa lagu wadaa inuu gaaro madaxweynaha Jamhuuriyadda Soomaaliya halkaasi oo lagu qabanayo shir lagu dhaqan gelinayo heshiiskii ay wada gaareen maamulka Ahlu suna iyo Galmudug oo si rasmi ah la isugu darayo.

Xigasho sawirrada:- Cabdifatax Arizona

Did you like this? Share it:

LEAVE A REPLY

Please enter your comment!
Please enter your name here