Guddoomiye Yariisow iyo safiirka Qatar oo dhagax-dhigay dib u dhiska Masjidkii Suuqa Afleershe+sawirro

2029

Munaasabad kooban oo lagu dhagax dhigayay dib u dhiska Masjidkii Suuqa Afleyrshe ee degmada Boondheere ee magaalada Muqdisho,waxaa ka qeybgalay C/xakiin Xasan Ibraahim Ashkir wasaaradda Awqafta iyo Arrimaha Diinta Xukuumadda Soomaaliya,guddoomiyaha Gobolka Banaadir,xildhibaano,safiirka dowladda Qadar u fadhiya Soomaaliya iyo madaxa Hay’adda Qatar Charity ee Soomaaliya oo hirgelinaysa mashruuca dib u dhiska masjidka Cabdinuur Xaaji Cali.

Seynab Yuusuf Wehliye oo ah guddoomiyaha Degmada Boodheere ayaa ka codsatay maamulka gobolka Banaadir in la baneeyo dhulkii uu masjidkasi lahaa.

Mudane C/raxmaan Cumar Cusmaan (Eng Yariisow guddoomiyaha gobolka Banaadir ayaa uga mahadceliyay Hay’adda qadar Charaty oo maalgelinaysa dib u dhiska masjidkan shacabkuna ugu baaqey in ay baneeyeen dhulkaasi.

“Waxaa sharaf inoo ah in mant aaan halkan ka dhagax dhigno Masjidkii Suuqa Afleershe oo loo dhisidoono sida masaajidda casriga ah ee ka dhisan Khaliijka oo kale,marka waxaan u mahadcelinayaa Hay’adda Qadar charity,waa waxyaabo kheyr badan in la dhiso masjid,runtii Kaalmada ay inoo fidinayaan Qadar charity,anagana waxaa nalaka rabaa in aan ka qeyb qaadanayo dib u dhiskiisa,waana qeyb kamid ah bilic soo celinta”. Ayuu yiri Guddoomiye Yariisow.

Wasiiru dowlaha Owqaafta iyo arrimaha Diinta XFS C/xakiin Xasan Ibraahim Ashkir ayaa sheegay in Wasaaraddu ay xil gar ah iska saari doonto la socodka arrimaha la xiriira goobaha cibaadada si loo xoojiyo fidinta diinta.

“Waxaan u mahadnaqayaa cidkasta oo ka qeyb qaadanaysa dhismaha MAsjidkan Hay’adda Qadar,iyo shacabka dhamaan iyo maamulka gobolka oo fududeynaya,waxaa ay ila tahay in aan maant aisugu nimid camal aad u wanaagsan,anaga waxaan si dhow ula soconaaa goobaha cibaadada in dhulalkooda si shaqsi ahaan loo qaadanayo,marka arrimahaasi waa in la joojiyaa,wasaaradduna waxaa ay wadaa sidii dhulalkii masaajidda loo soo celin lahaa”. Ayuu yiri

Masjidkan kuyaala Suuqa Afleershe Xaafadda Daljir degmada Boondheere  ayaa la dhisay sanadka markuu ahaa 1932,iyadoo uu kamid yahay xarumaha danta guud oo sanadihii ugu dambeeyey burbursanaa.

Did you like this? Share it:

LEAVE A REPLY

Please enter your comment!
Please enter your name here