Guddoonka Baarlamaanka Dowlad goboleedka Galmudug oo kulan soo dhaweyn ah loo sameeyay

Kulankan soo dhaweynta ah ee uu Maamulka Gobalka Banaadir u sameeyay xubnaha uu hogaaminayo Guddoomiyaha Barlamaanka Dowladda Galmudug Cali Gacal Casir ayaa waxaa kasoo qeyb galay ku-simaha Gudoomiyaha Gobalka Banaadir ahna Guddoomiye ku-xigeenka Siyaasada ee Maamulka Gobalka Maxamed Axmed Diiriye.

Kulanka soo dhawenta ah ayaa inta uu socday ayaa qaar kamid ah mas’uuliyinti ka qeyb gashay waxay ka hadleyn sidii loo taageeri lahaa Maamul Gobaleedyada dalka ka jira si loo horumariyo Gobalada Dalka.

Ku-simaha Guddoomiyaha Gobalka Banaadir ahna Guddoomiye ku-xigeenka Siyaasadda ee Maamulka Gobalka Maxamed Axmed Diiriye ayaa Telefishinka Qaranka uga warbixiyay kulanka soo dhaweynta ah ay u sameeyen xubna ka tirsan Barlamaanka Galmudug ee uu hogaaminayo guddoomiyaha Barlamaanka dowlad Goboleedka Galmudug.

“Anaga caasimada meesha aan joogno waa caasimadii dalka, mana ahan maamulkii koowaad oo la dhisay aan marti qaadno, maamula badan ayaa ka horeeyay oo la dhisay oo sidaan oo kale maamulka Gobalka Banaadir  kulan soo dhaweyn ah u sameeyay, marka anagu gacma furan ayaan ku soo dhaweyneynaa” ayuu yiri Maxamed Axmed Diiriye.

Guddoomiyaha Barlamaanka dowlad goboleedka Galmudug Cali Gacal Casir ayaa dhankiisa Maamulka gobalka Banaadir iyo shacabka Soomaliyed uga mahad celiyay sida ay u taageeren Maamulka Cusub ee Galmudug.

“Markaan imaanay gobalka Banaadir waxaan la kulanay sidaad hadaba sheegtay guddoomiyaha Barlamaanka Federaalka iyo Madaxweynaha Dowlada Fedraalka intaba waa la kulanay, caawana sidaad arkeysan Gobalka banaadir oo casha sharaf inoo sameeyay, Xilbaanadi Galmudug iyo guddoonkooda waana u mahad celineynaa Maamulka gobalka Banaadir iyo Dowladda Federaalka intaba kaalintii ay ka qaateyn taagerada ee Maamulka Galmudug”ayuu yiri Guddoomiyaha Baarlamaanka Dowlad goboleedka Galmudug.

LEAVE A REPLY

Please enter your comment!
Please enter your name here