Guddoonka baarlamaanka oo la kulmay qaar ka mid ah ururrada siyaasadeed ee dalka

0
1260

Guddoonka Baarlamanka Soomaaliya Mudane Maxamed Sheekh Cismaan Jawaari, Jeylaani Nuur Iikar iyo Mahad Cabdalla Cawad ayaa maanta la kulmay qaar kamid ah ururrada siyaasadeed ah ee kajira dalka, ayagoo ka wada hadlay dar-dargelinta sharciga axsaabta ee dalka.

Guddoonka waxa ay xubnaha ay la kulmeen u sheegeen in sameynta sharciga xisbiyada  uu Barlamaanku gudiyoo u saaray, isla markaana ay u gudbiyeen Xukuumadda Federaalka Soomaaliya si ay talooyin ugu biiriyaan, ka hor inta aan baarlamaanka la horkeenin.

Qaar ka mid ah ddkii ka qeyb galay kulanka aya soo dhaweyey  dadaalka  ay  guddonku ugu jiraan sidii dalka uu u yeelan lahaa sharciga axsaabta, waxa ayna ka codsadeen in guddoonku uu dardargeliyo dhameystirka sharciga axsaabta siyaasadeed ee dalka.

Guddoomiye ku-xigeenka labaad ee Baarlamaanka Soomaaliya Mudane Mahad Cabdalla  Cawad oo  Telefishinka Qaranka la hadlay ayaa sheegay in kulanka uu ahaa sidii ay u kala war qaadan lahaayeen ururrada siyaasadeed ee dalka ka jira, isla markaana ay wax uga ogaan lahaayeen halka uu marayo.

“Maal mahaan waxaa jiray kulamo guddoonka Barlamaanku uu lala haa Ururrada siyaadeed ee ka jira dalka, kuwaa oo soo dalbaday in guddoonka ay la kulmaan, waxa ayna ka waraysanayeen halka uu marayo xeerka axsaabta siyaadda, gudoonkuna waxaa uu warbixin ka siiyey marxaladahii uu soo maray samaynta xeerkaasi, guddigii soo sameeyey ee uu baarlamanku u saaray samayntiisa, waxa uuna u sheegay in xeerkasi uu hadda jiro dhanka Xukuumadda  , si Wasaaradaha u shaqada leh ay talo kor hin ugu sameeyaan oo ay ku jirto Wasaaradda arrimaha gudaha, ururraduna waxaa ay guddoonka uga mahad celiyeen sida ay  kaga go’an tahay hirgelinta xeerkaasi”ayuu yire Mahad Cabdalla.

Sharciga  xisbiyada  oo ay sooo diyaariyeen  guddi barlamaanku  u xil saaray ayaa haddii uu hir gallo, waxaa uu dalkeenu ka gudbi donaa nidaamka  awood qeybsiga qabiilka u salaysan.

 

 

Did you like this? Share it:

LEAVE A REPLY

Please enter your comment!
Please enter your name here