Guddoonka Labada Aqal ee Baarlamanka Dalka oo Muqdisho kula shiray Hay’adaha taageera Baarlamaanka “SAWIRRO”

Kulankan ayaa waxa looga hadlay sidii loo xoojin lahaa howlaha Baarlamaanka Federaalka soomaaliya waxaana labada aqal ee baarlamaanka ay ka hadleen howlaha horyaala iyo sidii ay gacan u siin lahaayeen hay’adaha ka shaqeeya baarlamaanka iyo wadamada taageera.

 

Guddoonka labada aqal iyo guddiga dib u eegista la socodka iyo hirgalinta Dastuurka ee Baarlamaanka Soomaaliya ayaa ku dheeraaday muhiimadda Baarlamaanka uu shuruucdu u leeyahay iyo dib u eegista dastuurka KMG halka uu marayo.

Madaxda hay’adaha ka shaqeeya Arrimaha Baarlamaanada iyo Safiirada wadamada Switzerland iyo Norway ayaa dhankooda sheegay in ay gacan ka siin doonaan Baarlamaanka Federaalka Soomaaliya sida ay waajibaadkooda u gudan lahaayeen.

Gaba gabada kulan ayaa waxaa ka hadlay Guddoomiye ku xigeenka 2aad Golaha Aqalka Sare BFS Sen, Mowliid Xuseen Guhaad waxa uuna sheegay in kulanka uu aqalka sare muhiin u yahay maadaama uu yahay aqal cusub.

Guddoomiyaha Golaha Shacabka ee BFS Mudane Maxamed Mursal  Sheekh Cabdiraxmaan  ayaa u mahadceliyay hay’adaha ka shaqeeya garab siinaa Baarlamaanada iyo Safiirada Dalalka  Switzerland iyo Norway sida ay ula shaqeeyaan Baarlamaanka.

Kulanka waxaa ku sugnaa guddoonada labada aqal Baarlamaanka Dalka, Guddiga dib u eegista, la socodka iyo hirgalinta dastuurka Baarlamaanka soo#maaliya Xafiiska UNSOM, Barnaamijka horumarinta Qaramada Midoobay ee UNDP Dowladaha Switzerland iyo Norway.

LEAVE A REPLY

Please enter your comment!
Please enter your name here