Gudiga Baarlamaanka u qaabilsan Maaliyadda,Qorsheynta iyo La Xisaabtanka Dowlada oo Siminaar Loogu Soo Gabagabeeyay Nairobi”Sawirro”

Gudiga Baarlamaanka Soomaaliya u qaabilsan Maaliyadda,qorsheynta iyo la xisaabtanka dowlada ayaa galabta magaalada Nairobi ee caasimada dalka Kenya loogu soo gabagabeeyay siminaar u socday mudo todobo maalmood ah,kaasi oo lagu barayay sharciga iibka qaranka iyo qandaraasyada maalgashiga,gadidda qalabka duugoobay oo ay dowladu iska iibineyso iyo sharciyada la xiriira waxyaabaha ay dowlada leedahay oo ay maamulaan shirkadaha ajnabiga ah sida garoomada diyaaradaha iyo dekadaha.

Siminaarkan oo ay soo qaban qaabisay hay’adda qaramada midoobay u qaabilsan horumarinta barnaamijada ee UNDP ayaa waxaa casharo ka bixinayay Daahir Cilmi Warsame oo ah khabiir ku takhasusay sharciyadasi.

Hay’ada IBTCI ayaa sidoo kale hubineysay hab sami u socodka siminaarkan oo socday intii u dhaxeysay 29-July ilaa 4-tii bishan Augusto.

Gudoomiyaha gudiga baarlamaanka Soomaaliya u qaabilsan Maaliyadda,Qorsheynta iyo la Xisaabtanka dowlada xildhibaan Samaan Maxamed Shiikh Daahir ayaa sheegay in xildhibaanada gudiga ku jira gudiga ay wax badan kaa faa’ideen siminaarkan,islamarkaana ay baarlamaanka Soomaaliya dib ugu celin doonaan waxyaabihii ay barteen.

Xildhibaanada kala ah Dr Cilmi Maxmuud Nuur iyo xildhibaan Nuur Iidow Beyle ayaa sheegay in sharciyadan ay wax badan ka qaban doonaan in aan la musuqmaasuqin marka ay dowladu wax soo iibsaneyso ama ay wax iska iibineyso.

Gudiga Baarlamaanka u qaabilsan Maaliyadda,Qorsheynta iyo la Xisaabtanka dowlada ayaa sheegay in marka ay ku laabtaan magaalada muqdisho dib u eegis ku sameyn doonaan sharciyadaasi, loo hor geeyo baarlamaanka,iyagoo sheegay in qaar ka mid ah sharciyadaasi horey baalamaanka loo hor geeyay,islamarkaana ay mareen aqrinta koowaad.

IMG_0076 IMG_0077 IMG_0079 IMG_0082 IMG_0085 IMG_0086 IMG_0090 IMG_0091 IMG_0099 IMG_0102 IMG_0103 IMG_0105 IMG_0107 IMG_0109 IMG_0111 IMG_0114 IMG_0117 IMG_0132 IMG_0134 IMG_0137 IMG_0140 IMG_0142 IMG_0146

Sawir qaade:-C/raxmaan Cumar Cabdi(Somali)

LEAVE A REPLY

Please enter your comment!
Please enter your name here