Gudoomiyaha Aqalka Sare ee Baarlamaanka Soomaaliyeed ayaa kulan la yeeshay qaar ka mid ah ardaydaha Jaamacadaha ee Magaalada Muqdisho.

1390

Gudoomiyaha Aqalka Sare ee Baarlamaanka Soomaaliya Mudane Cabdi Xaashi ayaa Kulan looga hadlayey sida ay ardayda uga qeyb qaadan karaan dib usoo nooleyta Afka iyo Dhaqanka Soomaaliyeed la yeeshay qaar ka mid ah Ardayda Jaamacadaha Magaalada Muqdisho.

Gudoomiyaha ayaa sidoo kale soo bandhigay buug uu asaga qoray oo Magaciisu yahay Heybso Dhaqankaaga kaas oo uu uga hadlayey Dhaqanka Soomaaliyeed asagoo xusay in buugaan uu diyaariyo ay ku kaliftay kadib markii uu arkay in Afka Soomaaliga uu sii lumaayo.

Gudoomiyaha ayaa sidoo kale ka codsaday Dhamaan Hay’addaha Dowladda in ay Iskaa Wax u qabso ku dhistaan Xarumahooda sida Jaamacadda Umadda oo kale.

Buuga uu qoray Gudoomiyaha ayaa Xooga lagu saaray Dhaqanka iyo Afka Soomaaliyeed waxaana uu qorsheynayaa in uu soo saari doono qeybta labaad ee buuga Heybso Dhaqankaaga oo uu iminka bilaaway diyaarintiisa.

Did you like this? Share it:

LEAVE A REPLY

Please enter your comment!
Please enter your name here