Gudoomiyaha Baarlamaanka Hirshabelle iyo Danjiraha Soomaaliya ee Suudaan oo la kulmay Xubin ka tirsan Golaha Sarre ee Dalka Suudaan.

Danjiraha safaaradda Soomaaliya Dalka Suudan Amb Maxamed Sheikh Isxaaq iyo Guudomiyaha Baarlamaanka Dowlad Gobaleedka Hirshabeele Dr Cabdi Xakiim Luqaamn iyo wafdi uu hogaaminaayo Gudoomiyaha ayaa maanta kulan la qaatay Xubin Katirsan Golaha Sare ee ee ka arrimiyo Dalka Suudan Marwo Caasho Muuse Saciid kulanka ayaa ka dhacay Xarunta Qasrigga Madaxtooyadda Dalka Suudan, kulanka ayaa waxaa goob jooga ahaa Agaasimaha Guud ee madaxtooyada Raami Ma’muun Bashiir iyo Madaxa Ganacsiga Safaarada Soomaaliya Dalka Suudan Yusuf Axmed Xasan (Yusuf Jeego)

Gudoomiyaha iyo Danjiraha ayaa waxaa loo sameeyay soo dhaweeyn diiran.

Gudoomiyaha ayaa warbixin Guud ka siiyay xaalada Guud Dalka Soomaaliya iyo Midda Hirshabelle iyo xiriirka xoogan ee u dhaxeeya labada dowladood Sooamaliya iyo Suudan, sidoo kale waxaa si qota dheer uga hadlay xiriirka sooyaaleeyd Danjiraha Safaarada Soomaaliya ee Dalka Suudan Amb. Maxamed sheikh Isxaaq ugana mahadceliyay dowlada Sudan sida muuqata ee u garab taaganyihiin waqti walba dowlada iyo shacabka Soomaaliyeed.

Marwo Caasho Muuse saciid oo ah xubin ka mid ah Golaha sare ee ka arrimiyo Dalka Suudaan ayaa soo dhaweysay booqashada Gudoomiyaha iyo Danjiraha u fadhiya dowlada Soomaaliya Dalka Suudan, una xaqiijisay inay muhiim tahay Guud ahaan horumarinta iyo xiriirarka labada dal,gaar ahaan horumarinta Ganacsiga iyo dhamaan kaaabayaasha dhaqaalaha ee labada wadan, sidoo kale xiirka walalanimo iyo Dhamaan danaha labada dowladood Soomaaliya iyo Suudan.

Gabagabadii Kulanka laba dhinac ayaa ku soo idalaay is -afgarad wanaagsan.

LEAVE A REPLY

Please enter your comment!
Please enter your name here