Gudoomiyaha Baarlamanka oo kulamo la qaatay wafdi ka socday jaamacadda Carabta iyo Danjiraha Turkiga ee Soomaaliya

Gudoomiyaha Baarlamanka Prof. Maxamed Sheekh Cusmaan “Jawaari” ayaa si kala gooni gooni ah maanta u qaabilay wafdi ka socday jaamacadda Carabta iyo Danjiraha dowladda Turkiga u fadhiya Soomaaliya.

Kulanka uu gudoomiye Jawaari la qaatay wafdiga ka socday jaamacadda Carabta ayaa looga hadlay xoojinta xiriirka wada shaqeeyneed ee uu Baarlamaanka Soomaaliya la leeyahay baarlamaannada waddamada ku jira ururka jaamacadda Carabta oo ay Soomaaliya xubin ka tahay.

Intii uu socday kulanka ayaa si weyn looga hadlay in la joogteeyo xiriirka baarlamanka Soomaaliya uu la leeyahay baarlamaannada wadamada jaamcadda Carabta, iyadoo wafdiga ka socday jaamacadda Carabta ay aad u ammaaneen doorka uu baarlamanka Soomaaliya ku leeyahay baarlamaanada dalalka Jaamacadda Carabta.

Dhinaca kale gudoomiye Jawaare ayaa maanta kulan kale la qaatay Danjiraha dowladda Turkiga u fadhiya Soomaaliya oo uu wehliyay danjirihii hore ee Turkiga haddana ah mudane ka tirsan baarlamanka dalkaasi, islamaraana noqday gudoomiyaha gudiga saaxiibtinimada u qaabilsan baarlamanka dalkaasi.

Kulankaasi ayaa looga hadlay xoojinta xiriirka labada dal iyo in si deg deg ah loo hirgeliyo dhismaha guriga golaha shacabka oo ay dhisayaan walaalaha Turkiga

 

LEAVE A REPLY

Please enter your comment!
Please enter your name here