Gudoomiyaha cusub ee Gobolka Banaadir oo kulan layeeshay Gudoomiyahi hore (SAWIIRRO)

3402

Guddoomiyaha cusub ee Gobolka Banaadir ahna Duqa Muqdisho C/raxmaan Cumar Cusmaan (Eng Yariisow) ayaa xalay xilli dambe hoygiisa ku booqday Guddoomiyihii hore ee Gobolka Banaadir Thaabit Cabdi Maxamed.

Guddoomiye Yariisow booqashadiisa waxaa ku wehlinayay Wasiirka Amniga Soomaaliya Maxamed Abuukar Islow, Wasiirka Boostada Eng. Cabdi Cashur, Xildhibaano ka tirsan Baarlamaanka oo uu ka mid yahay Mustaf Sheekh Cali Dhuxulow, Saraakiil Ciidan iyo xubno kale.

Kulan albaabada u xirnayen oo ay yeeshen gudoomiyaha cusub Eg Yariisow iyo gudoomiyihi hore ee gobolka banaadiir Thaabit Cabdi Maxamed. ayaa waxaa ay ugaa hadalen, siday ay ugaa wada shaqayn lahayen danta guud iyo danaha gobolka banaadir.

Masuuliyiinta ayaa  sido kale waxa ay sheegeen in lo baahan yahay nabada iyo sugida amniga gobolka Banaadir,sida uu sheegay Wasiirka  Amniga, soomaaliya .

Ugu dambeyn labada Guddoomiye ayaa ku heshiiyay sidii loo qaban lahaa Guddi ka shaqeeya xil wareejinta, waxaana ay ku heshiiyeen sidii si habsami leh ay ugu qabsoomi laheyd Munaasabadda.

Madaxweynaha Soomaaliya ayaa shalay xilka qaadis ku sameeyay Guddoomiyihii hore ee Gobolka Banaadir iyo ku xigeenadiisa, wuxuuna magacaabay Guddoomiyaha cusub ahna Duqa Muqdisho Eng. Yariisow iyo Afar ku xigeenadiisa.

 

Did you like this? Share it:

LEAVE A REPLY

Please enter your comment!
Please enter your name here