Gudoomiyaha G/Hiiraan “Bulshada reer Hiiraan waa iney gacan ka geystaan horumarinta gobolka”

3722

Maamulka gobolka Hiiraan iyo kan degmada Beledweyne ayaa kormeeray xaafado ka mid ah degmadaasi oo ay ka socdaan mashaariic horumarineed.

C/fitaax Xasan Afrax gudoomiyaha gobolka Hiiraan ayaa ku boorriyay bulsha weynta reer Hiiraan iney maamulka ka gacan siiyaan mashaariicdaasi lagu horumarinayo adeegyada bulshada ee gobolkaasi.

Gudoomiyaha gobolka Hiiraan ayaa meelaha uu booqday waxaa ka mid ah suuq labaad oo uu maamulkiisi ka hirgelinayo magaalada Beledweyn, isagoo tilmaamay in suuqyo ckale oo ku haboon ganacsiga ay ka hirgelin doonaan magaalada xarunta ah ee Beledweyne.

Meelaha kale ee uu kormeeray gudoomiyaha ayaa waxaa ka mid ah garoonka kubbadda cagta, iyo cisbitaalka guud ee Beledweyn oo dib u dhis lagu sameeynayo, isagoo booqday mashruuc nalalka cad ceeda ku shaqeeyo lagu gelinayo magaaladaasi.

Dhismaha suuqa cusub ayaa ka socda xaafadda Buunda weyn, waxaana la filayaa in dhawaan xarigga laga jaro.

Did you like this? Share it:

LEAVE A REPLY

Please enter your comment!
Please enter your name here