Gudoomiyaha Gobolka Banaadir oo Nairobi Kula Kulmay dhiggiisa Dalka Kenya “sawirro”

Gudoomiyaha gobolka Banaadir ahna duqa magaalada muqdisho Xasan Maxamed Xuseen Muungaab ayaa magaalada xarunta dowlada hoose ee magaalada Nairobi kulan kula qaatay gudoomiyaha gobolka Nairobi Evans Kidero,ku xigeenkiisa iyo xubno ka tirsan dowlada hoose ee magaalada Nairobi.

Gudoomiyaha gobolka Banaadir ayaa waxaa kulanka ku wehliyay safiirka dowlada soomaaliya u fadhiya dalkani kenya Jamaal Maxamed Xasan iyo xubno ka tirsan mamulka gobolka Banaadir.

Gudoomiye ku xigeenka gobolka Nairobi ayaa gudoomiyaha gobolka Banaadir siiyay warbixin dheer oo ku saabsan magaalada Nairobi iyo qaabka ay u dhaqeyso dowlada hoose ee magaalada Nairobi.

Markii uu soo dhamaaday kulanka dhex maray labada mas’uul ayey si wada jir ah ula hadleen warbaahinta qaranka,iyagoo ka war bixiyay waxyaabihii ay ka wada hadleen.

Ugu horeyn gudoomiyaha gobolka Nairobi Evans Kidero ayaa yiri “Waxaan ka wada hadalnay qaabka dowlad wanagga,waxan ka wada hadalnay qaababkeena qorsheynta,waxaan ka wada hadalnay qaababka maamulka maareynta dhulka,waxaan ka wada hadalnay qaabka uruurinta canshuuraha beriga,waxaan ka wada hadalnay maareynta musiiboyinka ka dhasha dababka,sidoo kale waxaan isla soo qaadnay sidii aan u sameysan lahayn xiriir wada shaqeyn oo joogto ah si ay uga faa’ideystaan oo ay wax nooga bartaan anaguna aan uga faa’ideysano oo aan wax uga barano”

Gudoomiyaha gobolka Banaandir Xasan Maxamed Xuseen Muungaab ayaa sheegay in ay ka wada hadleen sidii iskaashi u dhex mari lahaa magaaloyinka Nairobi iyo Muqdisho,sidii aan khibradaha isku dhaafsan lahayn iyo sidii ay magaalada Muqdisho uga faa’ideysan lahayd khibradda maamulka uu hogaamiyo gudoomiye Kidero.

“Waxaan ka wada hadalnay arrimaha maamulka wanaagga,maareynta qashinka iyo sidii magaalada muqdisho loo gaarsiin lahaa maamul is doorto sida maamulka Nairobi”Ayuu yiri gudoomiyaha gobolka Banaadir Xasan Maxamed Xuseen Muungaab.

Kualnkan ayaa noqonaya kii u horeeyay ee dhex mara gudomiyaha Gobolka Banaadir ahna duqa magaalada Muqdisho Xasan Maxamed Xuuseen Muungaab iyo gudoomiyaha gobolka Nairobi Evans Kidero.

IMG_0002 IMG_0005 IMG_0018 IMG_0021 IMG_0023 IMG_0024 IMG_0032 IMG_0036 IMG_0075 IMG_0080 IMG_0082

Sawir qaade:-C/raxmaan Cumar Cabdi (Somali)