Gudoomiyaha Sh/hoose oo sheegay in amaanka Marko isbedel aad u weyn ku yimid kadib Ciidanka 14-ka Octoobar

Guddoomiyaha Maamulka Gobolka Shabeellaha Hoose Ibraahim Aadan Cali Najax iyo Xubno la socda ayaa shalay Gelinkii dambe waxaa ay agareen Magalada Marka ee Xarunta Gobolka Shabeellaha Hoose, iyada oo siweyn halkaasi loogu soo dhaweeyay.

 

Gudodomiyaha ayaa kulamo la qaatay Maamulka degmada Marka oo uu ugu horeeyo guddoomiyaha degmadaas Cabdullaahi Cali Axmed Waafow,isaga oo kala hadlay sidii amaanka magaaladaas iyo deegaanada kale ee ka agdhow loo sugi lahaa

Sidoo kale guddoomiyaha Gobolka Shabelelaha Hoose Ibraahim Aadan Cali Najax ayaa lagu wadaa in uu Maanta la kulmo Saraakiisha Ciidamada Guutada 14-ka Octoober ee gacanta ku haya Magalada Marka.

“Waxaan aad ugu farax sanahay in aan imaado magaalo madaxdii gobolka Sh/hoose halkan waxaa ka bilaaban doono howlgalo ka dhan ah maleeshiyaadka Al Shabaab oo meelaha qaarkood dadka ku dhibaateeya sida muuqata” ayuu yiri Gudoomiyaha Sh/Hoose oo shalay galinkii danbe gaaray magaalada Marka

Shalay ayaa waxaa Magalada Marka laga dareemay dhaq dhaqaaqyo Ciidan oo ay sameynayeen Ciidamada Guutada 14-ka Octoober.

Tan iyo markii Ciidamada Guutada 14-ka Octoober ay Al-Shabaab kala wareegeen degmada Marka ayaa waxaa magaaladaas laga dareemay isbedel weyn oo dhanka amaanka ah.

LEAVE A REPLY

Please enter your comment!
Please enter your name here