Gudoomiye ku xigeenka Labaad ee Golaha shacabka BFS oo ku baaqay in la joojiyo colaada ka soo cusboonaatay qeybo ka mida gobolka Mudug.

Guddoomiye ku xigeenka 2aad ee Golaha Shacabka Baarlamaanka Jamhuuriyadda Federaalka Soomaaliya mudane Mahad Cabdalla Cawad ayaa ka hadlay colaal dad walaalo ah ku dhex mareysa deegaano ka tirsan gobolka Mudug ee bartamaha dalka.

Gudoomiye cawad oo qoraal uu kaga hadlayo dhacdadaasi nasiib darada ah soo dhigay bartiisa Facebook ayaa yiri,“Dagaalka ka soo cusboonaaday Towfiiq iyo Afbarwaaqo waa arrin aan la aqbali karin”.

Gudoomiye ku xigeenka labaad ee golaha shacabka Baarlamaanka Soomaaliya ayaa sidoo kale ugu baaqay ciidamada dowlada in ay ka qeyb qaataan joojinta colaadaasi,”Guddiga Nabadeynta iyo ciidanka xasilinta ee isku dhafka ah waa in ay si degdeg ah u kala dhex galaan dadka walaalaha ah ee colaadu dhex martay”.

LEAVE A REPLY

Please enter your comment!
Please enter your name here