Haween Soomaaliyeed oo gurmad beni’aadanimo gaarsiiyay qoysas ay saameysay abaaraha “SAWIRRO”

1394

Iyadoo ay isa soo tarayaan gurmadka la gaarsiinayo dadka ay saameeyeen abaaraha iyo biyo yarida ka jirta deegaanno ka tirsan goballada Mudug iyo Galguduud ee bartamaha Soomaaliya ayaa waxaa qaar ka mid ah haweenka magaalada Gaalkacyo ay gaarsiiyeen gurmad samafal ah oo isugu jira baco iyo raashin boqalaal qoys oo ku nool deegaanno hoostaga degmada Gelinsoor ee Gobalka Galguduud, kuwaasi oo ay saameeyn dhanka nolasha ku yeesheen abaaraha iyo biya yarida ka taagan deegaannada dhanka waqooyi kaga began degmada Gelinsoor

Xabiibo Maxamuud Cabdi Koofuroow oo ka mid aheyd haweenka gurmadka gaarsiiyay dadka tabaaleeysan ee ku nool deegaanadaasi ayaa Warbaahinta Qaranka uga warbixisay gurmadka samafalka ah cidda iska kaashatay waxa ayna tiri

“Waxaan halkaan soo gaarsiinay deeq ay soo dhiibeen gabdho Soomaaliyeed oo ku nool dalka Mareykanka,  waxay soo dhiibeen lacag, anaguna lacagtaasi ayaan waxaan ugu soo gadnay raashin iyo baco ay hoy ka dhigtaan, waxaana gaarsiinay dadka ku nool deegaanada kala ah deeqlay, Gufaac,  Bacaha iyo ceel muudaan, waxaana geynaya afartaas goobaad oo ay joogaan dadkii ka soo barakacay deegaanka Kaxandhaalke”.

Qaar ka mida dadkii la gaarsiiyay gurmadka ayaa uga mahadceliyay gabdhaha Soomaaliyeed ee usoo gurmaday, iyagoo sheegay in ay wali jirto baahiyo far badan oo ay codsanayaan in laga caawiyo

Deeqdan samafalkaa ayaa qeyb ka ah gurmad loo sameeynayo dadka Soomaaliyeed ee ay saameeyeen abaaraha iyo biyo yarida ka jirta qeybo ka mid ah goballada dalka Soomaaliya

vlcsnap-2016-04-13-12h29m55s131 vlcsnap-2016-04-13-12h30m07s5 vlcsnap-2016-04-13-12h30m31s240 vlcsnap-2016-04-13-12h30m42s68 vlcsnap-2016-04-13-12h30m51s171 vlcsnap-2016-04-13-12h31m58s59 vlcsnap-2016-04-13-12h32m13s226 vlcsnap-2016-04-13-12h32m28s130 vlcsnap-2016-04-13-12h32m59s179 vlcsnap-2016-04-13-12h33m21s133 vlcsnap-2016-04-13-12h33m36s43 vlcsnap-2016-04-13-12h33m52s204 vlcsnap-2016-04-13-12h34m02s51

W/D Wariye C/risaaq Maxamed Axmed (C/risaaq Galkacyo)

Did you like this? Share it:

LEAVE A REPLY

Please enter your comment!
Please enter your name here