Haween tababar loogu qabtay degmada Afgooye+Sawirro

886

Wasiiro iyo xildibaano ka tirsan Dowlad goboleedka KGS ayaa ka qeybgalay furitaanka tababar loo qabtay haween ka kala yimid degmooyinka gobolka Sh/Hoose kaasoo lagu qabtay degmada Afgooye.

Siminaarka ayaa waxaa loo qabtay haween  ka kala yimid 8-da degmo ee gobolka shabellaha hoose  oo gaaraya ku dhawaad 100 haween waxaana la baray casharo ka tarjumaya nabada iyo dib u heshisiinta gobolka sida ay uga qeyb qaadan karaaan.

Gudoomiyaha degmada Afgooye Cabdinaasir Caalim Ibraahim ayaa mas’uuliyiinta ka tirsan maamulka KGS ku soo dhaweyay degmada Afgooye,

Gudoomiyah gobolka Shabellaha hoose  Ibraahim Aadan Cali “Najax” ayaa sheegay in haweenka ay door muuqda ku leeyihiin dib u heshiisinta iyo nabada  loona baahanyhay in ay dadaal dheeri ah sameeyaan,

Wasiir ku xigeenka wasaarada haweenka Dowlad Goboledka KGS Fadumo Cabdiraxmaan ayaa tilmaantay in haweenka ku dhaqan deegaannada KGS ay siin doonaan tababarro dheeri ah si kor loogu qaado aqoonta haweenka.

Wasiirka wasaaradda maaliyadda Dowlad goboledka KGS Cabdiraxmaan Sate waxa uuu haweenka ka codsaday in ay bulshada kula laabtaan casharrada siminarkan ay ka bartaan.

Wasiirka wasaradda arimaha gudaha Dowladaha hoose ee maamulka KGS Maxamed Madoowe Nuunow ayaa maamulka gobolka Shabellaha hoose ku amaanay dadaaalka ay ugu jiraan horumarinta bulshada

Siminaarka ayaa inta uu socdo waxaa ay haweenka ka qeybgalaya ay ka faa’idi doonaan  caharo muhiim u ah nabada iyo dib u heshiisinta.

Did you like this? Share it:

LEAVE A REPLY

Please enter your comment!
Please enter your name here