Hay’adda duulista Itoobiya oo sheegtay in dib loo bilaabay duulimaadyadii diyaaradaha ee tegi jiray gobalka Tigray

Hay’adda duulista dowladda Itoobiya ayaa sheegtay in dib loo bilaabay duulimaadyadii diyaaradaha ee tagi jiray gobalka Tigray ee waqooyiga Itoobiya.

Qoraal ay hay’adda soo saartay ayaa lagu sheegay in 2:00pm waqtiga Itoobiya ee maanta ay duulimaadyadu fasax yihiin kaddib markii sida ay sheegeen laga guul gaaray howlgalkii sharci soo celinta.

Hay’adda duulista ayaa afartii November waxaa ay joojisay duulimadyada garoomada magaalooyinka Mekelle, Axum, shire iyo Humera kaddib markii uu bilowday dagaalkii u dhaxeeyay ciidanka dowladda iyo kuwa TPLF.

Ku dhawaad 40 cisho ayuu gobalka Tigray go’doon ka ahaa Itoobiya inteeda kale kaddib markii la joojiyay gaadiidka cirka iyo dhulkaba

Arintan ayaa imaaneysa maalin un kadib markii Ra’isulwasaaraha Itoobiya uu booqday magalaada Mekelle ee xarunta Tigray, isaga oo sheegay in isgaarsiinta la soo celiyay.

 

LEAVE A REPLY

Please enter your comment!
Please enter your name here