Hay’adda duulista rayidka oo shirkadda Jubba Airways guddoonsiisay shatiga iyo taarigada ay ku shaqeyneyso “SAWIRRO”

Hay’adda duulista rayidka ayaa galabta guddoonsiisay shatiga iyo taarigada ay ku shaqeyneyso shirkadda Jubba Airways Xaflad ballaaran oo ay ka soo qeyb galeen Wasiirka gaadiidka iyo duulista Xukuumadda Federaalka Soomaaliya maareeyaha guud ee hay’adda duulista rayidka Soomaaliyeed, maareeyaha maamulka guud iyo amniga garoonka, ku xigeenka, maamulka iyo howlwadeennada shirkadda Jubba Airways Soomaaliya, taliye ku xigeenka booliiska garoonka, nabadsugidda iyo guddiga adeegga diyaaradaha.

Maareeyaha guud ee maamulka hay’adda duulista rayidka Soomaaliyeed Axmed Macalin oo ugu horeyn hadal ka jeediyay goobta ayaa faahfaahiyay dalabka iyo ruqsadaha diyaaradaha ganacsarada Soomaaliyeed qaabka ay u iibsan karaan si ay ugu shaqeeystaan gudaha dalka.

Maareeyaha hay’adda duulista iyo Wasiirka gaadiidka ayaa indha indheeyay diyaaradda, iyadoo ay wehlinayaan injineero aqoon u leh hubinta tayada diyaaradaha, Wasiir Duraan Axmed Faarax ayaa sheegay shuruudaha bixinta taarigada, ayaa sheegay in marka hore shirkadaha la diiwaangeliyo kadibna la siiyo taarigada marka shuruudaha ay buuxiyaan

Wakiilka Jubba Airways ee Soomaaliya mudane Cabdiraxiin Cismaan Dhimbil ayaa u mahadceliyay maareeyaha guud ee hay’adda duulista rayidka iyo wasaaradda gaadiidka isagoo sheegay in ay tahay tallaabo dhiirigelineysa ganacsatada diyaaradaha soo iibsaneysa.

LEAVE A REPLY

Please enter your comment!
Please enter your name here